| Library / Tipiṭaka / திபிடக • Tipiṭaka / சூளனித்³தே³ஸபாளி • Cūḷaniddesapāḷi |
13. உத³யமாணவபுச்சா²
13. Udayamāṇavapucchā
130.
130.
‘‘ஜா²யிங் விரஜமாஸீனங், [இச்சாயஸ்மா உத³யோ]
‘‘Jhāyiṃ virajamāsīnaṃ, [iccāyasmā udayo]
கதகிச்சங் அனாஸவங்;
Katakiccaṃ anāsavaṃ;
பாரகு³ங் ஸப்³ப³த⁴ம்மானங், அத்தி² பஞ்ஹேன ஆக³மங்;
Pāraguṃ sabbadhammānaṃ, atthi pañhena āgamaṃ;
அஞ்ஞாவிமொக்க²ங் பப்³ரூஹி, அவிஜ்ஜாய பபே⁴த³னங்’’.
Aññāvimokkhaṃ pabrūhi, avijjāya pabhedanaṃ’’.
131.
131.
‘‘பஹானங் காமச்ச²ந்தா³னங், [உத³யாதி ப⁴க³வா]
‘‘Pahānaṃ kāmacchandānaṃ, [udayāti bhagavā]
தோ³மனஸ்ஸான சூப⁴யங்;
Domanassāna cūbhayaṃ;
தி²னஸ்ஸ ச பனூத³னங், குக்குச்சானங் நிவாரணங்.
Thinassa ca panūdanaṃ, kukkuccānaṃ nivāraṇaṃ.
132.
132.
‘‘உபெக்கா²ஸதிஸங்ஸுத்³த⁴ங் , த⁴ம்மதக்கபுரேஜவங்;
‘‘Upekkhāsatisaṃsuddhaṃ , dhammatakkapurejavaṃ;
அஞ்ஞாவிமொக்க²ங் பப்³ரூமி, அவிஜ்ஜாய பபே⁴த³னங்’’.
Aññāvimokkhaṃ pabrūmi, avijjāya pabhedanaṃ’’.
133.
133.
‘‘கிங்ஸு ஸங்யோஜனோ லோகோ, கிங்ஸு தஸ்ஸ விசாரணங்;
‘‘Kiṃsu saṃyojano loko, kiṃsu tassa vicāraṇaṃ;
கிஸ்ஸஸ்ஸ விப்பஹானேன, நிப்³பா³னங் இதி வுச்சதி’’.
Kissassa vippahānena, nibbānaṃ iti vuccati’’.
134.
134.
‘‘நந்தி³ஸங்யோஜனோ லோகோ, விதக்கஸ்ஸ விசாரணங்;
‘‘Nandisaṃyojano loko, vitakkassa vicāraṇaṃ;
தண்ஹாய விப்பஹானேன, நிப்³பா³னங் இதி வுச்சதி’’.
Taṇhāya vippahānena, nibbānaṃ iti vuccati’’.
135.
135.
‘‘கத²ங் ஸதஸ்ஸ சரதோ, விஞ்ஞாணங் உபருஜ்ஜ²தி;
‘‘Kathaṃ satassa carato, viññāṇaṃ uparujjhati;
ப⁴க³வந்தங் புட்டு²மாக³ம்ம, தங் ஸுணோம வசோ தவ’’.
Bhagavantaṃ puṭṭhumāgamma, taṃ suṇoma vaco tava’’.
136.
136.
‘‘அஜ்ஜ²த்தஞ்ச ப³ஹித்³தா⁴ ச, வேத³னங் நாபி⁴னந்த³தோ;
‘‘Ajjhattañca bahiddhā ca, vedanaṃ nābhinandato;
ஏவங் ஸதஸ்ஸ சரதோ, விஞ்ஞாணங் உபருஜ்ஜ²தீ’’தி.
Evaṃ satassa carato, viññāṇaṃ uparujjhatī’’ti.
உத³யமாணவபுச்சா² தேரஸமா.
Udayamāṇavapucchā terasamā.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / சூளனித்³தே³ஸ-அட்ட²கதா² • Cūḷaniddesa-aṭṭhakathā / 13. உத³யமாணவஸுத்தனித்³தே³ஸவண்ணனா • 13. Udayamāṇavasuttaniddesavaṇṇanā
