| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๕๘. อุทยชาตกํ (๔)
458. Udayajātakaṃ (4)
๓๗.
37.
เอกา นิสินฺนา สุจิ สญฺญตูรู, ปาสาทมารุยฺห อนินฺทิตงฺคี;
Ekā nisinnā suci saññatūrū, pāsādamāruyha aninditaṅgī;
ยาจามิ ตํ กินฺนรเนตฺตจกฺขุ, อิเมกรตฺติํ อุภโย วเสมฯ
Yācāmi taṃ kinnaranettacakkhu, imekarattiṃ ubhayo vasema.
๓๘.
38.
โอกิณฺณนฺตรปริขํ, ทฬฺหมฎฺฎาลโกฎฺฐกํ;
Okiṇṇantaraparikhaṃ, daḷhamaṭṭālakoṭṭhakaṃ;
รกฺขิตํ ขคฺคหเตฺถหิ, ทุปฺปเวสมิทํ ปุรํฯ
Rakkhitaṃ khaggahatthehi, duppavesamidaṃ puraṃ.
๓๙.
39.
ทหรสฺส ยุวิโน จาปิ, อาคโม จ น วิชฺชติ;
Daharassa yuvino cāpi, āgamo ca na vijjati;
อถ เกน นุ วเณฺณน, สงฺคมํ อิจฺฉเส มยาฯ
Atha kena nu vaṇṇena, saṅgamaṃ icchase mayā.
๔๐.
40.
๔๑.
41.
เทวํ ว ยกฺขํ อถ วา มนุสฺสํ, น ปตฺถเย อุทยมติจฺจ อญฺญํ;
Devaṃ va yakkhaṃ atha vā manussaṃ, na patthaye udayamaticca aññaṃ;
คเจฺฉว ตฺวํ ยกฺข มหานุภาว, มา จสฺสุ คนฺตฺวา ปุนราวชิตฺถฯ
Gaccheva tvaṃ yakkha mahānubhāva, mā cassu gantvā punarāvajittha.
๔๒.
42.
ยา สา รติ อุตฺตมา กามโภคินํ, ยํ เหตุ สตฺตา วิสมํ จรนฺติ;
Yā sā rati uttamā kāmabhoginaṃ, yaṃ hetu sattā visamaṃ caranti;
มา ตํ รติํ ชียิ ตุวํ สุจิมฺหิ เต, ททามิ เต รูปิยํ กํสปูรํฯ
Mā taṃ ratiṃ jīyi tuvaṃ sucimhi te, dadāmi te rūpiyaṃ kaṃsapūraṃ.
๔๓.
43.
นาริํ นโร นิชฺฌปยํ ธเนน, อุกฺกํสตี ยตฺถ กโรติ ฉนฺทํ;
Nāriṃ naro nijjhapayaṃ dhanena, ukkaṃsatī yattha karoti chandaṃ;
วิปจฺจนีโก ตว เทวธโมฺม, ปจฺจกฺขโต โถกตเรน เอสิฯ
Vipaccanīko tava devadhammo, paccakkhato thokatarena esi.
๔๔.
44.
อายุ จ วโณฺณ จ 5 มนุสฺสโลเก, นิหียติ มนุชานํ สุคฺคเตฺต;
Āyu ca vaṇṇo ca 6 manussaloke, nihīyati manujānaṃ suggatte;
เตเนว วเณฺณน ธนมฺปิ ตุยฺหํ, นิหียติ ชิณฺณตราสิ อชฺชฯ
Teneva vaṇṇena dhanampi tuyhaṃ, nihīyati jiṇṇatarāsi ajja.
๔๕.
45.
เอวํ เม เปกฺขมานสฺส, ราชปุตฺติ ยสสฺสินิ;
Evaṃ me pekkhamānassa, rājaputti yasassini;
๔๖.
46.
อิมินาว ตฺวํ วยสา, ราชปุตฺติ สุเมธเส;
Imināva tvaṃ vayasā, rājaputti sumedhase;
พฺรหฺมจริยํ จเรยฺยาสิ, ภิโยฺย วณฺณวตี สิยาฯ
Brahmacariyaṃ careyyāsi, bhiyyo vaṇṇavatī siyā.
๔๗.
47.
เทวา น ชีรนฺติ ยถา มนุสฺสา, คเตฺตสุ เตสํ วลิโย น โหนฺติ;
Devā na jīranti yathā manussā, gattesu tesaṃ valiyo na honti;
ปุจฺฉามิ ตํ ยกฺข มหานุภาว, กถํ นุ เทวาน 9 สรีรเทโหฯ
Pucchāmi taṃ yakkha mahānubhāva, kathaṃ nu devāna 10 sarīradeho.
๔๘.
48.
เทวา น ชีรนฺติ ยถา มนุสฺสา, คเตฺตสุ เตสํ วลิโย น โหนฺติ;
Devā na jīranti yathā manussā, gattesu tesaṃ valiyo na honti;
สุเว สุเว ภิยฺยตโรว 11 เตสํ, ทิโพฺพ จ วโณฺณ วิปุลา จ โภคาฯ
Suve suve bhiyyatarova 12 tesaṃ, dibbo ca vaṇṇo vipulā ca bhogā.
๔๙.
49.
กิํสูธ ภีตา ชนตา อเนกา, มโคฺค จ เนกายตนํ ปวุโตฺต;
Kiṃsūdha bhītā janatā anekā, maggo ca nekāyatanaṃ pavutto;
ปุจฺฉามิ ตํ ยกฺข มหานุภาว, กตฺถฎฺฐิโต ปรโลกํ น ภาเยฯ
Pucchāmi taṃ yakkha mahānubhāva, katthaṭṭhito paralokaṃ na bhāye.
๕๐.
50.
วาจํ มนญฺจ ปณิธาย สมฺมา, กาเยน ปาปานิ อกุพฺพมาโน;
Vācaṃ manañca paṇidhāya sammā, kāyena pāpāni akubbamāno;
พหุนฺนปานํ ฆรมาวสโนฺต, สโทฺธ มุทู สํวิภาคี วทญฺญู;
Bahunnapānaṃ gharamāvasanto, saddho mudū saṃvibhāgī vadaññū;
สงฺคาหโก สขิโล สณฺหวาโจ, เอตฺถฎฺฐิโต ปรโลกํ น ภาเยฯ
Saṅgāhako sakhilo saṇhavāco, etthaṭṭhito paralokaṃ na bhāye.
๕๑.
51.
อนุสาสสิ มํ ยกฺข, ยถา มาตา ยถา ปิตา;
Anusāsasi maṃ yakkha, yathā mātā yathā pitā;
อุฬารวณฺณํ ปุจฺฉามิ, โก นุ ตฺวมสิ สุพฺรหาฯ
Uḷāravaṇṇaṃ pucchāmi, ko nu tvamasi subrahā.
๕๒.
52.
๕๓.
53.
สเจ โข ตฺวํ อุทโยสิ, สงฺกรตฺตา อิธาคโต;
Sace kho tvaṃ udayosi, saṅkarattā idhāgato;
อนุสาส มํ ราชปุตฺต, ยถาสฺส ปุน สงฺคโมฯ
Anusāsa maṃ rājaputta, yathāssa puna saṅgamo.
๕๔.
54.
อติปตติ 17 วโย ขโณ ตเถว, ฐานํ นตฺถิ ธุวํ จวนฺติ สตฺตา;
Atipatati 18 vayo khaṇo tatheva, ṭhānaṃ natthi dhuvaṃ cavanti sattā;
ปริชิยฺยติ อทฺธุวํ สรีรํ, อุทเย มา ปมาท 19 จรสฺสุ ธมฺมํฯ
Parijiyyati addhuvaṃ sarīraṃ, udaye mā pamāda 20 carassu dhammaṃ.
๕๕.
55.
กสิณา ปถวี ธนสฺส ปูรา, เอกเสฺสว สิยา อนญฺญเธยฺยา;
Kasiṇā pathavī dhanassa pūrā, ekasseva siyā anaññadheyyā;
ตญฺจาปิ ชหติ 21 อวีตราโค, อุทเย มา ปมาท จรสฺสุ ธมฺมํฯ
Tañcāpi jahati 22 avītarāgo, udaye mā pamāda carassu dhammaṃ.
๕๖.
56.
มาตา จ ปิตา จ ภาตโร จ, ภริยา ยาปิ ธเนน โหติ กีตา 23;
Mātā ca pitā ca bhātaro ca, bhariyā yāpi dhanena hoti kītā 24;
เต จาปิ ชหนฺติ อญฺญมญฺญํ, อุทเย มา ปมาท จรสฺสุ ธมฺมํฯ
Te cāpi jahanti aññamaññaṃ, udaye mā pamāda carassu dhammaṃ.
๕๗.
57.
อิตฺตรวาโสติ ชานิยาน, อุทเย มา ปมาท จรสฺสุ ธมฺมํฯ
Ittaravāsoti jāniyāna, udaye mā pamāda carassu dhammaṃ.
๕๘.
58.
กสิรญฺจ ปริตฺตญฺจ, ตญฺจ ทุเกฺขน สํยุตํ;
Kasirañca parittañca, tañca dukkhena saṃyutaṃ;
สาหํ เอกา ปพฺพชิสฺสามิ, หิตฺวา กาสิํ สุรุนฺธนนฺติฯ
Sāhaṃ ekā pabbajissāmi, hitvā kāsiṃ surundhananti.
อุทยชาตกํ จตุตฺถํฯ
Udayajātakaṃ catutthaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๕๘] ๔. อุทยชาตกวณฺณนา • [458] 4. Udayajātakavaṇṇanā
