| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၇၅. ဥဒကေဥစ္စာရသိက္ခာပဒဝဏ္ဏနာ
75. Udakeuccārasikkhāpadavaṇṇanā
ပကိဏ္ဏကန္တိ ဝောမိသ္သကနယံ။ သစိတ္တကန္တိ (သာရတ္ထ. ဋီ. ပာစိတ္တိယ ၃.၅၇၆) ဝတ္ထုဝိဇာနနစိတ္တေန, ပဏ္ဏတ္တိဝိဇာနနစိတ္တေန စ သစိတ္တကံ။ ‘‘အနာဒရိယံ ပဋိစ္စာ’’တိ (ပာစိ. ၆၅၄) ဝုတ္တတ္တာ ယသ္မာ အနာဒရိယဝသေနေဝ အာပဇ္ဇိတဗ္ဗတော ဣဒံ သဗ္ဗံ ကေဝလံ အကုသလမေဝ, တဉ္စ ပကတိယာ ဝဇ္ဇံ, သဉ္စိစ္စ ဝီတိက္ကမနဉ္စ ဒောမနသ္သိကသ္သေဝ ဟောတိ, တသ္မာ ‘‘လောကဝဇ္ဇံ အကုသလစိတ္တံ ဒုက္ခဝေဒန’’န္တိ ဝုတ္တံ။ သေသေသုပိ ဧသေဝ နယော။
Pakiṇṇakanti vomissakanayaṃ. Sacittakanti (sārattha. ṭī. pācittiya 3.576) vatthuvijānanacittena, paṇṇattivijānanacittena ca sacittakaṃ. ‘‘Anādariyaṃ paṭiccā’’ti (pāci. 654) vuttattā yasmā anādariyavaseneva āpajjitabbato idaṃ sabbaṃ kevalaṃ akusalameva, tañca pakatiyā vajjaṃ, sañcicca vītikkamanañca domanassikasseva hoti, tasmā ‘‘lokavajjaṃ akusalacittaṃ dukkhavedana’’nti vuttaṃ. Sesesupi eseva nayo.
ဧကူနဝီသတိဓမ္မဒေသနာပဋိသံယုတ္တသိက္ခာပဒဝဏ္ဏနာ နိဋ္ဌိတာ။
Ekūnavīsatidhammadesanāpaṭisaṃyuttasikkhāpadavaṇṇanā niṭṭhitā.
ဣတိ ကင္ခာဝိတရဏိယာ ပာတိမောက္ခဝဏ္ဏနာယ
Iti kaṅkhāvitaraṇiyā pātimokkhavaṇṇanāya
ဝိနယတ္ထမဉ္ဇူသာယံ လီနတ္ထပ္ပကာသနိယံ
Vinayatthamañjūsāyaṃ līnatthappakāsaniyaṃ
သေခိယဝဏ္ဏနာ နိဋ္ဌိတာ။
Sekhiyavaṇṇanā niṭṭhitā.
