| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૭૫. ઉદકેઉચ્ચારસિક્ખાપદવણ્ણના
75. Udakeuccārasikkhāpadavaṇṇanā
પકિણ્ણકન્તિ વોમિસ્સકનયં. સચિત્તકન્તિ (સારત્થ॰ ટી॰ પાચિત્તિય ૩.૫૭૬) વત્થુવિજાનનચિત્તેન, પણ્ણત્તિવિજાનનચિત્તેન ચ સચિત્તકં. ‘‘અનાદરિયં પટિચ્ચા’’તિ (પાચિ॰ ૬૫૪) વુત્તત્તા યસ્મા અનાદરિયવસેનેવ આપજ્જિતબ્બતો ઇદં સબ્બં કેવલં અકુસલમેવ, તઞ્ચ પકતિયા વજ્જં, સઞ્ચિચ્ચ વીતિક્કમનઞ્ચ દોમનસ્સિકસ્સેવ હોતિ, તસ્મા ‘‘લોકવજ્જં અકુસલચિત્તં દુક્ખવેદન’’ન્તિ વુત્તં. સેસેસુપિ એસેવ નયો.
Pakiṇṇakanti vomissakanayaṃ. Sacittakanti (sārattha. ṭī. pācittiya 3.576) vatthuvijānanacittena, paṇṇattivijānanacittena ca sacittakaṃ. ‘‘Anādariyaṃ paṭiccā’’ti (pāci. 654) vuttattā yasmā anādariyavaseneva āpajjitabbato idaṃ sabbaṃ kevalaṃ akusalameva, tañca pakatiyā vajjaṃ, sañcicca vītikkamanañca domanassikasseva hoti, tasmā ‘‘lokavajjaṃ akusalacittaṃ dukkhavedana’’nti vuttaṃ. Sesesupi eseva nayo.
એકૂનવીસતિધમ્મદેસનાપટિસંયુત્તસિક્ખાપદવણ્ણના નિટ્ઠિતા.
Ekūnavīsatidhammadesanāpaṭisaṃyuttasikkhāpadavaṇṇanā niṭṭhitā.
ઇતિ કઙ્ખાવિતરણિયા પાતિમોક્ખવણ્ણનાય
Iti kaṅkhāvitaraṇiyā pātimokkhavaṇṇanāya
વિનયત્થમઞ્જૂસાયં લીનત્થપ્પકાસનિયં
Vinayatthamañjūsāyaṃ līnatthappakāsaniyaṃ
સેખિયવણ્ણના નિટ્ઠિતા.
Sekhiyavaṇṇanā niṭṭhitā.
