| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
७५. उदकेउच्चारसिक्खापदवण्णना
75. Udakeuccārasikkhāpadavaṇṇanā
पकिण्णकन्ति वोमिस्सकनयं। सचित्तकन्ति (सारत्थ॰ टी॰ पाचित्तिय ३.५७६) वत्थुविजाननचित्तेन, पण्णत्तिविजाननचित्तेन च सचित्तकं। ‘‘अनादरियं पटिच्चा’’ति (पाचि॰ ६५४) वुत्तत्ता यस्मा अनादरियवसेनेव आपज्जितब्बतो इदं सब्बं केवलं अकुसलमेव, तञ्च पकतिया वज्जं, सञ्चिच्च वीतिक्कमनञ्च दोमनस्सिकस्सेव होति, तस्मा ‘‘लोकवज्जं अकुसलचित्तं दुक्खवेदन’’न्ति वुत्तं। सेसेसुपि एसेव नयो।
Pakiṇṇakanti vomissakanayaṃ. Sacittakanti (sārattha. ṭī. pācittiya 3.576) vatthuvijānanacittena, paṇṇattivijānanacittena ca sacittakaṃ. ‘‘Anādariyaṃ paṭiccā’’ti (pāci. 654) vuttattā yasmā anādariyavaseneva āpajjitabbato idaṃ sabbaṃ kevalaṃ akusalameva, tañca pakatiyā vajjaṃ, sañcicca vītikkamanañca domanassikasseva hoti, tasmā ‘‘lokavajjaṃ akusalacittaṃ dukkhavedana’’nti vuttaṃ. Sesesupi eseva nayo.
एकूनवीसतिधम्मदेसनापटिसंयुत्तसिक्खापदवण्णना निट्ठिता।
Ekūnavīsatidhammadesanāpaṭisaṃyuttasikkhāpadavaṇṇanā niṭṭhitā.
इति कङ्खावितरणिया पातिमोक्खवण्णनाय
Iti kaṅkhāvitaraṇiyā pātimokkhavaṇṇanāya
विनयत्थमञ्जूसायं लीनत्थप्पकासनियं
Vinayatthamañjūsāyaṃ līnatthappakāsaniyaṃ
सेखियवण्णना निट्ठिता।
Sekhiyavaṇṇanā niṭṭhitā.
