| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༥. ཨུདཀསུདྡྷིཀསིཀྑཱཔདཝཎྞནཱ
5. Udakasuddhikasikkhāpadavaṇṇanā
ཨཱདཱཏབྦནྟི པཝེསེཏབྦཾ། ཨགྒཔབྦནྟི ཀེསགྒམཏྟམྤི ཨགྒཔབྦཾ། ཏཏིཡཾ པབྦཾ པཝེསེཏཱིཏི ཀེསགྒམཏྟམྤི ཏཏིཡཾ པབྦཾ པཝེསེཏི། ཝུཏྟཉྷེཏཾ སམནྟཔཱསཱདིཀཱཡཾ (པཱཙི॰ ཨཊྛ॰ ༨༡༢) ‘‘གམྦྷཱིརཏོ དྭིནྣཾ པབྦཱནཾ ཨུཔརི ཀེསགྒམཏྟམྤི པཝེསེནྟིཡཱ པཱཙིཏྟིཡ’’ནྟི།
Ādātabbanti pavesetabbaṃ. Aggapabbanti kesaggamattampi aggapabbaṃ. Tatiyaṃ pabbaṃ pavesetīti kesaggamattampi tatiyaṃ pabbaṃ paveseti. Vuttañhetaṃ samantapāsādikāyaṃ (pāci. aṭṭha. 812) ‘‘gambhīrato dvinnaṃ pabbānaṃ upari kesaggamattampi pavesentiyā pācittiya’’nti.
ཨཏིགམྦྷཱིརཾ ཨུདཀསུདྡྷིཀཾ ཨཱདིཡནཝཏྠུསྨིནྟི ཨཏིཨནྟོ པཝེསེཏྭཱ ཨུདཀདྷོཝནཀརཎཝཏྠུསྨིཾ། ཨུདཀསུདྡྷིཔཙྩཡེན (སཱརཏྠ॰ ཊཱི॰ པཱཙིཏྟིཡ ༣.༨༡༢) པན སཏིཔི ཕསྶསྶཱདིཡནེ ཡཐཱཝུཏྟཔརིཙྪེདེ ཨནཱཔཏྟི།
Atigambhīraṃudakasuddhikaṃ ādiyanavatthusminti atianto pavesetvā udakadhovanakaraṇavatthusmiṃ. Udakasuddhipaccayena (sārattha. ṭī. pācittiya 3.812) pana satipi phassassādiyane yathāvuttaparicchede anāpatti.
ཨུདཀསུདྡྷིཀསིཀྑཱཔདཝཎྞནཱ ནིཊྛིཏཱ།
Udakasuddhikasikkhāpadavaṇṇanā niṭṭhitā.
