| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৫. উদকসুদ্ধিকসিক্খাপদৰণ্ণনা
5. Udakasuddhikasikkhāpadavaṇṇanā
আদাতব্বন্তি পৰেসেতব্বং। অগ্গপব্বন্তি কেসগ্গমত্তম্পি অগ্গপব্বং। ততিযং পব্বং পৰেসেতীতি কেসগ্গমত্তম্পি ততিযং পব্বং পৰেসেতি। ৰুত্তঞ্হেতং সমন্তপাসাদিকাযং (পাচি॰ অট্ঠ॰ ৮১২) ‘‘গম্ভীরতো দ্ৰিন্নং পব্বানং উপরি কেসগ্গমত্তম্পি পৰেসেন্তিযা পাচিত্তিয’’ন্তি।
Ādātabbanti pavesetabbaṃ. Aggapabbanti kesaggamattampi aggapabbaṃ. Tatiyaṃ pabbaṃ pavesetīti kesaggamattampi tatiyaṃ pabbaṃ paveseti. Vuttañhetaṃ samantapāsādikāyaṃ (pāci. aṭṭha. 812) ‘‘gambhīrato dvinnaṃ pabbānaṃ upari kesaggamattampi pavesentiyā pācittiya’’nti.
অতিগম্ভীরং উদকসুদ্ধিকং আদিযনৰত্থুস্মিন্তি অতিঅন্তো পৰেসেত্ৰা উদকধোৰনকরণৰত্থুস্মিং। উদকসুদ্ধিপচ্চযেন (সারত্থ॰ টী॰ পাচিত্তিয ৩.৮১২) পন সতিপি ফস্সস্সাদিযনে যথাৰুত্তপরিচ্ছেদে অনাপত্তি।
Atigambhīraṃudakasuddhikaṃ ādiyanavatthusminti atianto pavesetvā udakadhovanakaraṇavatthusmiṃ. Udakasuddhipaccayena (sārattha. ṭī. pācittiya 3.812) pana satipi phassassādiyane yathāvuttaparicchede anāpatti.
উদকসুদ্ধিকসিক্খাপদৰণ্ণনা নিট্ঠিতা।
Udakasuddhikasikkhāpadavaṇṇanā niṭṭhitā.
