| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
২৪. উদকাসনৰগ্গো
24. Udakāsanavaggo
১. উদকাসনদাযকত্থেরঅপদানং
1. Udakāsanadāyakattheraapadānaṃ
১.
1.
‘‘আরামদ্ৰারা নিক্খম্ম, ফলকং সন্থরিং অহং।
‘‘Ārāmadvārā nikkhamma, phalakaṃ santhariṃ ahaṃ;
উদকঞ্চ উপট্ঠাসিং, উত্তমত্থস্স পত্তিযা॥
Udakañca upaṭṭhāsiṃ, uttamatthassa pattiyā.
২.
2.
‘‘একত্তিংসে ইতো কপ্পে, যং কম্মমকরিং তদা।
‘‘Ekattiṃse ito kappe, yaṃ kammamakariṃ tadā;
দুগ্গতিং নাভিজানামি, আসনে চোদকে ফলং॥
Duggatiṃ nābhijānāmi, āsane codake phalaṃ.
৩.
3.
‘‘ইতো পন্নরসে কপ্পে, অভিসামসমৰ্হযো।
‘‘Ito pannarase kappe, abhisāmasamavhayo;
সত্তরতনসম্পন্নো, চক্কৰত্তী মহব্বলো॥
Sattaratanasampanno, cakkavattī mahabbalo.
৪.
4.
‘‘পটিসম্ভিদা চতস্সো, ৰিমোক্খাপি চ অট্ঠিমে।
‘‘Paṭisambhidā catasso, vimokkhāpi ca aṭṭhime;
ছল়ভিঞ্ঞা সচ্ছিকতা, কতং বুদ্ধস্স সাসনং’’॥
Chaḷabhiññā sacchikatā, kataṃ buddhassa sāsanaṃ’’.
ইত্থং সুদং আযস্মা উদকাসনদাযকো থেরো ইমা গাথাযো অভাসিত্থাতি।
Itthaṃ sudaṃ āyasmā udakāsanadāyako thero imā gāthāyo abhāsitthāti.
উদকাসনদাযকত্থেরস্সাপদানং পঠমং।
Udakāsanadāyakattherassāpadānaṃ paṭhamaṃ.
