| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
২. উদকপূজকত্থেরঅপদানং
2. Udakapūjakattheraapadānaṃ
৭.
7.
‘‘সুৰণ্ণৰণ্ণং সম্বুদ্ধং, গচ্ছন্তং অনিলঞ্জসে।
‘‘Suvaṇṇavaṇṇaṃ sambuddhaṃ, gacchantaṃ anilañjase;
ঘতাসনংৰ জলিতং, আদিত্তংৰ হুতাসনং॥
Ghatāsanaṃva jalitaṃ, ādittaṃva hutāsanaṃ.
৮.
8.
‘‘পাণিনা উদকং গয্হ, আকাসে উক্খিপিং অহং।
‘‘Pāṇinā udakaṃ gayha, ākāse ukkhipiṃ ahaṃ;
সম্পটিচ্ছি মহাৰীরো, বুদ্ধো কারুণিকো ইসি॥
Sampaṭicchi mahāvīro, buddho kāruṇiko isi.
৯.
9.
‘‘অন্তলিক্খে ঠিতো সত্থা, পদুমুত্তরনামকো।
‘‘Antalikkhe ṭhito satthā, padumuttaranāmako;
মম সঙ্কপ্পমঞ্ঞায, ইমং গাথমভাসথ॥
Mama saṅkappamaññāya, imaṃ gāthamabhāsatha.
১০.
10.
‘‘‘ইমিনা দকদানেন, পীতিউপ্পাদনেন চ।
‘‘‘Iminā dakadānena, pītiuppādanena ca;
কপ্পসতসহস্সম্পি, দুগ্গতিং নুপপজ্জসি’॥
Kappasatasahassampi, duggatiṃ nupapajjasi’.
১১.
11.
‘‘তেন কম্মেন দ্ৰিপদিন্দ, লোকজেট্ঠ নরাসভ।
‘‘Tena kammena dvipadinda, lokajeṭṭha narāsabha;
পত্তোম্হি অচলং ঠানং, হিত্ৰা জযপরাজযং॥
Pattomhi acalaṃ ṭhānaṃ, hitvā jayaparājayaṃ.
১২.
12.
‘‘সহস্সরাজনামেন, তযো চ চক্কৰত্তিনো।
‘‘Sahassarājanāmena, tayo ca cakkavattino;
পঞ্চসট্ঠিকপ্পসতে, চাতুরন্তা জনাধিপা॥
Pañcasaṭṭhikappasate, cāturantā janādhipā.
১৩.
13.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা উদকপূজকো থেরো ইমা গাথাযো অভাসিত্থাতি।
Itthaṃ sudaṃ āyasmā udakapūjako thero imā gāthāyo abhāsitthāti.
উদকপূজকত্থেরস্সাপদানং দুতিযং।
Udakapūjakattherassāpadānaṃ dutiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ১-১০. থোমকত্থেরঅপদানাদিৰণ্ণনা • 1-10. Thomakattheraapadānādivaṇṇanā
