| Library / Tipiṭaka / ติปิฎก • Tipiṭaka / เปตวตฺถุปาฬิ • Petavatthupāḷi |
๕. อุจฺฉุเปตวตฺถุ
5. Ucchupetavatthu
๗๓๗.
737.
‘‘อิทํ มม อุจฺฉุวนํ มหนฺตํ, นิพฺพตฺตติ ปุญฺญผลํ อนปฺปกํ;
‘‘Idaṃ mama ucchuvanaṃ mahantaṃ, nibbattati puññaphalaṃ anappakaṃ;
ตํ ทานิ เม น 1 ปริโภคเมติ, อาจิกฺข ภเนฺต กิสฺส อยํ วิปาโกฯ
Taṃ dāni me na 2 paribhogameti, ācikkha bhante kissa ayaṃ vipāko.
๗๓๘.
738.
‘‘หญฺญามิ 3 ขชฺชามิ จ วายมามิ, ปริสกฺกามิ ปริภุญฺชิตุํ กิญฺจิ;
‘‘Haññāmi 4 khajjāmi ca vāyamāmi, parisakkāmi paribhuñjituṃ kiñci;
สฺวาหํ ฉินฺนถาโม กปโณ ลาลปามิ, กิสฺส 5 กมฺมสฺส อยํ วิปาโกฯ
Svāhaṃ chinnathāmo kapaṇo lālapāmi, kissa 6 kammassa ayaṃ vipāko.
๗๓๙.
739.
‘‘วิฆาโต จาหํ ปริปตามิ ฉมายํ, ปริวตฺตามิ วาริจโรว ฆเมฺม;
‘‘Vighāto cāhaṃ paripatāmi chamāyaṃ, parivattāmi vāricarova ghamme;
รุทโต จ เม 7 อสฺสุกา นิคฺคลนฺติ, อาจิกฺข ภเนฺต กิสฺส อยํ วิปาโกฯ
Rudato ca me 8 assukā niggalanti, ācikkha bhante kissa ayaṃ vipāko.
๗๔๐.
740.
‘‘ฉาโต กิลโนฺต จ ปิปาสิโต จ, สนฺตสฺสิโต สาตสุขํ น วิเนฺท;
‘‘Chāto kilanto ca pipāsito ca, santassito sātasukhaṃ na vinde;
ปุจฺฉามิ ตํ เอตมตฺถํ ภทเนฺต, กถํ นุ อุจฺฉุปริโภคํ ลเภยฺย’’นฺติฯ
Pucchāmi taṃ etamatthaṃ bhadante, kathaṃ nu ucchuparibhogaṃ labheyya’’nti.
๗๔๑.
741.
‘‘ปุเร ตุวํ กมฺมมกาสิ อตฺตนา, มนุสฺสภูโต ปุริมาย ชาติยา;
‘‘Pure tuvaṃ kammamakāsi attanā, manussabhūto purimāya jātiyā;
อหญฺจ ตํ เอตมตฺถํ วทามิ, สุตฺวาน ตฺวํ เอตมตฺถํ วิชานฯ
Ahañca taṃ etamatthaṃ vadāmi, sutvāna tvaṃ etamatthaṃ vijāna.
๗๔๒.
742.
‘‘อุจฺฉุํ ตุวํ ขาทมาโน ปยาโต, ปุริโส จ เต ปิฎฺฐิโต อนฺวคจฺฉิ;
‘‘Ucchuṃ tuvaṃ khādamāno payāto, puriso ca te piṭṭhito anvagacchi;
โส จ ตํ ปจฺจาสโนฺต กเถสิ, ตสฺส ตุวํ น กิญฺจิ อาลปิตฺถฯ
So ca taṃ paccāsanto kathesi, tassa tuvaṃ na kiñci ālapittha.
๗๔๓.
743.
‘‘โส จ ตํ อภณนฺตํ อยาจิ, ‘เทหยฺย อุจฺฉุ’นฺติ จ ตํ อโวจ;
‘‘So ca taṃ abhaṇantaṃ ayāci, ‘dehayya ucchu’nti ca taṃ avoca;
ตสฺส ตุวํ ปิฎฺฐิโต อุจฺฉุํ อทาสิ, ตเสฺสตํ กมฺมสฺส อยํ วิปาโกฯ
Tassa tuvaṃ piṭṭhito ucchuṃ adāsi, tassetaṃ kammassa ayaṃ vipāko.
๗๔๔.
744.
‘‘อิงฺฆ ตฺวํ คนฺตฺวาน ปิฎฺฐิโต คเณฺหยฺยาสิ 9, คเหตฺวาน ตํ ขาทสฺสุ ยาวทตฺถํ;
‘‘Iṅgha tvaṃ gantvāna piṭṭhito gaṇheyyāsi 10, gahetvāna taṃ khādassu yāvadatthaṃ;
เตเนว ตฺวํ อตฺตมโน ภวิสฺสสิ, หโฎฺฐ จุทโคฺค จ ปโมทิโต จา’’ติฯ
Teneva tvaṃ attamano bhavissasi, haṭṭho cudaggo ca pamodito cā’’ti.
๗๔๕.
745.
คนฺตฺวาน โส ปิฎฺฐิโต อคฺคเหสิ, คเหตฺวาน ตํ ขาทิ ยาวทตฺถํ;
Gantvāna so piṭṭhito aggahesi, gahetvāna taṃ khādi yāvadatthaṃ;
เตเนว โส อตฺตมโน อโหสิ, หโฎฺฐ จุทโคฺค จ ปโมทิโต จาติฯ
Teneva so attamano ahosi, haṭṭho cudaggo ca pamodito cāti.
อุจฺฉุเปตวตฺถุ ปญฺจมํฯ
Ucchupetavatthu pañcamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เปตวตฺถุ-อฎฺฐกถา • Petavatthu-aṭṭhakathā / ๕. อุจฺฉุเปตวตฺถุวณฺณนา • 5. Ucchupetavatthuvaṇṇanā
