| Library / Tipiṭaka / તિપિટક • Tipiṭaka / પેતવત્થુપાળિ • Petavatthupāḷi |
૫. ઉચ્છુપેતવત્થુ
5. Ucchupetavatthu
૭૩૭.
737.
‘‘ઇદં મમ ઉચ્છુવનં મહન્તં, નિબ્બત્તતિ પુઞ્ઞફલં અનપ્પકં;
‘‘Idaṃ mama ucchuvanaṃ mahantaṃ, nibbattati puññaphalaṃ anappakaṃ;
તં દાનિ મે ન 1 પરિભોગમેતિ, આચિક્ખ ભન્તે કિસ્સ અયં વિપાકો.
Taṃ dāni me na 2 paribhogameti, ācikkha bhante kissa ayaṃ vipāko.
૭૩૮.
738.
‘‘હઞ્ઞામિ 3 ખજ્જામિ ચ વાયમામિ, પરિસક્કામિ પરિભુઞ્જિતું કિઞ્ચિ;
‘‘Haññāmi 4 khajjāmi ca vāyamāmi, parisakkāmi paribhuñjituṃ kiñci;
સ્વાહં છિન્નથામો કપણો લાલપામિ, કિસ્સ 5 કમ્મસ્સ અયં વિપાકો.
Svāhaṃ chinnathāmo kapaṇo lālapāmi, kissa 6 kammassa ayaṃ vipāko.
૭૩૯.
739.
‘‘વિઘાતો ચાહં પરિપતામિ છમાયં, પરિવત્તામિ વારિચરોવ ઘમ્મે;
‘‘Vighāto cāhaṃ paripatāmi chamāyaṃ, parivattāmi vāricarova ghamme;
રુદતો ચ મે 7 અસ્સુકા નિગ્ગલન્તિ, આચિક્ખ ભન્તે કિસ્સ અયં વિપાકો.
Rudato ca me 8 assukā niggalanti, ācikkha bhante kissa ayaṃ vipāko.
૭૪૦.
740.
‘‘છાતો કિલન્તો ચ પિપાસિતો ચ, સન્તસ્સિતો સાતસુખં ન વિન્દે;
‘‘Chāto kilanto ca pipāsito ca, santassito sātasukhaṃ na vinde;
પુચ્છામિ તં એતમત્થં ભદન્તે, કથં નુ ઉચ્છુપરિભોગં લભેય્ય’’ન્તિ.
Pucchāmi taṃ etamatthaṃ bhadante, kathaṃ nu ucchuparibhogaṃ labheyya’’nti.
૭૪૧.
741.
‘‘પુરે તુવં કમ્મમકાસિ અત્તના, મનુસ્સભૂતો પુરિમાય જાતિયા;
‘‘Pure tuvaṃ kammamakāsi attanā, manussabhūto purimāya jātiyā;
અહઞ્ચ તં એતમત્થં વદામિ, સુત્વાન ત્વં એતમત્થં વિજાન.
Ahañca taṃ etamatthaṃ vadāmi, sutvāna tvaṃ etamatthaṃ vijāna.
૭૪૨.
742.
‘‘ઉચ્છું તુવં ખાદમાનો પયાતો, પુરિસો ચ તે પિટ્ઠિતો અન્વગચ્છિ;
‘‘Ucchuṃ tuvaṃ khādamāno payāto, puriso ca te piṭṭhito anvagacchi;
સો ચ તં પચ્ચાસન્તો કથેસિ, તસ્સ તુવં ન કિઞ્ચિ આલપિત્થ.
So ca taṃ paccāsanto kathesi, tassa tuvaṃ na kiñci ālapittha.
૭૪૩.
743.
‘‘સો ચ તં અભણન્તં અયાચિ, ‘દેહય્ય ઉચ્છુ’ન્તિ ચ તં અવોચ;
‘‘So ca taṃ abhaṇantaṃ ayāci, ‘dehayya ucchu’nti ca taṃ avoca;
તસ્સ તુવં પિટ્ઠિતો ઉચ્છું અદાસિ, તસ્સેતં કમ્મસ્સ અયં વિપાકો.
Tassa tuvaṃ piṭṭhito ucchuṃ adāsi, tassetaṃ kammassa ayaṃ vipāko.
૭૪૪.
744.
‘‘ઇઙ્ઘ ત્વં ગન્ત્વાન પિટ્ઠિતો ગણ્હેય્યાસિ 9, ગહેત્વાન તં ખાદસ્સુ યાવદત્થં;
‘‘Iṅgha tvaṃ gantvāna piṭṭhito gaṇheyyāsi 10, gahetvāna taṃ khādassu yāvadatthaṃ;
તેનેવ ત્વં અત્તમનો ભવિસ્સસિ, હટ્ઠો ચુદગ્ગો ચ પમોદિતો ચા’’તિ.
Teneva tvaṃ attamano bhavissasi, haṭṭho cudaggo ca pamodito cā’’ti.
૭૪૫.
745.
ગન્ત્વાન સો પિટ્ઠિતો અગ્ગહેસિ, ગહેત્વાન તં ખાદિ યાવદત્થં;
Gantvāna so piṭṭhito aggahesi, gahetvāna taṃ khādi yāvadatthaṃ;
તેનેવ સો અત્તમનો અહોસિ, હટ્ઠો ચુદગ્ગો ચ પમોદિતો ચાતિ.
Teneva so attamano ahosi, haṭṭho cudaggo ca pamodito cāti.
ઉચ્છુપેતવત્થુ પઞ્ચમં.
Ucchupetavatthu pañcamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / પેતવત્થુ-અટ્ઠકથા • Petavatthu-aṭṭhakathā / ૫. ઉચ્છુપેતવત્થુવણ્ણના • 5. Ucchupetavatthuvaṇṇanā
