| Library / Tipiṭaka / ਤਿਪਿਟਕ • Tipiṭaka / ਅਪਦਾਨਪਾਲ਼ਿ • Apadānapāḷi |
੭. ਉਚ੍ਛਙ੍ਗਪੁਪ੍ਫਿਯਤ੍ਥੇਰਅਪਦਾਨਂ
7. Ucchaṅgapupphiyattheraapadānaṃ
੧੪੨.
142.
‘‘ਨਗਰੇ ਬਨ੍ਧੁਮਤਿਯਾ, ਅਹੋਸਿਂ ਮਾਲਿਕੋ ਤਦਾ।
‘‘Nagare bandhumatiyā, ahosiṃ māliko tadā;
ਉਚ੍ਛਙ੍ਗਂ ਪੂਰਯਿਤ੍વਾਨ, ਅਗਮਂ ਅਨ੍ਤਰਾਪਣਂ॥
Ucchaṅgaṃ pūrayitvāna, agamaṃ antarāpaṇaṃ.
੧੪੩.
143.
‘‘ਭਗવਾ ਤਮ੍ਹਿ ਸਮਯੇ, ਭਿਕ੍ਖੁਸਙ੍ਘਪੁਰਕ੍ਖਤੋ।
‘‘Bhagavā tamhi samaye, bhikkhusaṅghapurakkhato;
ਮਹਤਾ ਆਨੁਭਾવੇਨ, ਨਿਯ੍ਯਾਤਿ ਲੋਕਨਾਯਕੋ॥
Mahatā ānubhāvena, niyyāti lokanāyako.
੧੪੪.
144.
‘‘ਦਿਸ੍વਾਨ ਲੋਕਪਜ੍ਜੋਤਂ, વਿਪਸ੍ਸਿਂ ਲੋਕਤਾਰਣਂ।
‘‘Disvāna lokapajjotaṃ, vipassiṃ lokatāraṇaṃ;
ਪੁਪ੍ਫਂ ਪਗ੍ਗਯ੍ਹ ਉਚ੍ਛਙ੍ਗਾ, ਬੁਦ੍ਧਸੇਟ੍ਠਂ ਅਪੂਜਯਿਂ॥
Pupphaṃ paggayha ucchaṅgā, buddhaseṭṭhaṃ apūjayiṃ.
੧੪੫.
145.
‘‘ਏਕਨવੁਤਿਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ।
‘‘Ekanavutito kappe, yaṃ pupphamabhipūjayiṃ;
ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ॥
Duggatiṃ nābhijānāmi, buddhapūjāyidaṃ phalaṃ.
੧੪੬.
146.
‘‘ਕਿਲੇਸਾ ਝਾਪਿਤਾ ਮਯ੍ਹਂ…ਪੇ॰… વਿਹਰਾਮਿ ਅਨਾਸવੋ॥
‘‘Kilesā jhāpitā mayhaṃ…pe… viharāmi anāsavo.
੧੪੭.
147.
‘‘ਸ੍વਾਗਤਂ વਤ ਮੇ ਆਸਿ…ਪੇ॰… ਕਤਂ ਬੁਦ੍ਧਸ੍ਸ ਸਾਸਨਂ॥
‘‘Svāgataṃ vata me āsi…pe… kataṃ buddhassa sāsanaṃ.
੧੪੮.
148.
‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ॰… ਕਤਂ ਬੁਦ੍ਧਸ੍ਸ ਸਾਸਨਂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ਇਤ੍ਥਂ ਸੁਦਂ ਆਯਸ੍ਮਾ ਉਚ੍ਛਙ੍ਗਪੁਪ੍ਫਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ।
Itthaṃ sudaṃ āyasmā ucchaṅgapupphiyo thero imā gāthāyo abhāsitthāti.
ਉਚ੍ਛਙ੍ਗਪੁਪ੍ਫਿਯਤ੍ਥੇਰਸ੍ਸਾਪਦਾਨਂ ਸਤ੍ਤਮਂ।
Ucchaṅgapupphiyattherassāpadānaṃ sattamaṃ.
