| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༢. ཨུཙྩཱསཡནསུཏྟཝཎྞནཱ
2. Uccāsayanasuttavaṇṇanā
༡༡༥༢. ཨུཙྩཱཏི ཨུཙྩ-སདྡེན སམཱནཏྠཾ ཨེཀཾ སདྡནྟརཾ། སེཏི ཨེཏྠཱཏི སཡནཾ, ཨུཙྩཱསཡནཾ མཧཱསཡནཉྩ སམཎསཱརུཔྤརཧིཏཾ པཊིཀྑིཏྟནྟི ཨཱཧ – ‘‘པམཱཎཱཏིཀྐནྟཾ ཨཀཔྤིཡཏྠརཎ’’ནྟི། ཨཱསནྡཱདིཨཱསནཉྩེཏྠ སཡནེནེཝ སངྒཧིཏཾ། ཡསྨཱ པན ཨཱདྷཱརེ པཊིཀྑིཏྟེ ཏདཱདྷཱརཀིརིཡཱ པཊིཀྑིཏྟཱཝ ཧོཏི, ཏསྨཱ ‘‘ཨུཙྩཱསཡནམཧཱསཡནཱ’’ཨིཙྩེཝ ཝུཏྟཾ། ཨཏྠཏོ པན ཏདུཔབྷོགབྷཱུཏནིསཛྫཱནིཔཛྫནེཧི ཝིརཏི དསྶིཏཱཏི དཊྛབྦཾ། ཨཐ ཝཱ ཨུཙྩཱསཡནམཧཱསཡནཉྩ ཨུཙྩཱསཡནམཧཱསཡནཉྩཱཏི ཨུཙྩཱསཡནམཧཱསཡནནྟི ཨེཏསྨིཾ ཨཏྠེ ཨེཀསེསནཡེན ཨཡཾ ནིདྡེསོ ཀཏོ ཡཐཱ – ‘‘ནཱམརཱུཔཔཙྩཡཱ སལཱ༹ཡཏན’’ནྟི (ཨུདཱ॰ ༡)། ཨཱསནཀིརིཡཱཔུབྦཀཏྟཱ ཝཱ སཡནཀིརིཡཱཡ སཡནགྒཧཎེནེཝ ཨཱསནམྤི གཧིཏནྟི དཊྛབྦཾ།
1152.Uccāti ucca-saddena samānatthaṃ ekaṃ saddantaraṃ. Seti etthāti sayanaṃ, uccāsayanaṃ mahāsayanañca samaṇasārupparahitaṃ paṭikkhittanti āha – ‘‘pamāṇātikkantaṃ akappiyattharaṇa’’nti. Āsandādiāsanañcettha sayaneneva saṅgahitaṃ. Yasmā pana ādhāre paṭikkhitte tadādhārakiriyā paṭikkhittāva hoti, tasmā ‘‘uccāsayanamahāsayanā’’icceva vuttaṃ. Atthato pana tadupabhogabhūtanisajjānipajjanehi virati dassitāti daṭṭhabbaṃ. Atha vā uccāsayanamahāsayanañca uccāsayanamahāsayanañcāti uccāsayanamahāsayananti etasmiṃ atthe ekasesanayena ayaṃ niddeso kato yathā – ‘‘nāmarūpapaccayā saḷāyatana’’nti (udā. 1). Āsanakiriyāpubbakattā vā sayanakiriyāya sayanaggahaṇeneva āsanampi gahitanti daṭṭhabbaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༢. ཨུཙྩཱསཡནསུཏྟཾ • 2. Uccāsayanasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. ཨུཙྩཱསཡནསུཏྟཝཎྞནཱ • 2. Uccāsayanasuttavaṇṇanā
