| Library / Tipiṭaka / തിപിടക • Tipiṭaka / പരിവാര-അട്ഠകഥാ • Parivāra-aṭṭhakathā |
ഉബ്ബാഹികവഗ്ഗവണ്ണനാ
Ubbāhikavaggavaṇṇanā
൪൫൫. ഉബ്ബാഹികവഗ്ഗേ – ന അത്ഥകുസലോതി ന അട്ഠകഥാകുസലോ; അത്ഥുദ്ധാരേ ഛേകോ ന ഹോതി. ന ധമ്മകുസലോതി ആചരിയമുഖതോ അനുഗ്ഗഹിതത്താ പാളിയം ന കുസലോ, ന പാളിസൂരോ. ന നിരുത്തികുസലോതി ഭാസന്തരവോഹാരേ ന കുസലോ. ന ബ്യഞ്ജനകുസലോതി സിഥിലധനിതാദിവസേന പരിമണ്ഡലബ്യഞ്ജനാരോപനേ കുസലോ ന ഹോതി; ന അക്ഖരപരിച്ഛേദേ നിപുണോതി അത്ഥോ. ന പുബ്ബാപരകുസലോതി അത്ഥപുബ്ബാപരേ ധമ്മപുബ്ബാപരേ നിരുത്തിപുബ്ബാപരേ ബ്യഞ്ജനപുബ്ബാപരേ പുരേകഥാപച്ഛാകഥാസു ച ന കുസലോ ഹോതി.
455. Ubbāhikavagge – na atthakusaloti na aṭṭhakathākusalo; atthuddhāre cheko na hoti. Na dhammakusaloti ācariyamukhato anuggahitattā pāḷiyaṃ na kusalo, na pāḷisūro. Naniruttikusaloti bhāsantaravohāre na kusalo. Na byañjanakusaloti sithiladhanitādivasena parimaṇḍalabyañjanāropane kusalo na hoti; na akkharaparicchede nipuṇoti attho. Na pubbāparakusaloti atthapubbāpare dhammapubbāpare niruttipubbāpare byañjanapubbāpare purekathāpacchākathāsu ca na kusalo hoti.
കോധനോതിആദീനി യസ്മാ കോധാദീഹി അഭിഭൂതോ കാരണാകാരണം ന ജാനാതി, വിനിച്ഛിതും ന സക്കോതി, തസ്മാ വുത്താനി. പസാരേതാ ഹോതി നോ സാരേതാതി മോഹേതാ ഹോതി, ന സതിഉപ്പാദേതാ; ചോദകചുദിതകാനം കഥം മോഹേതി പിദഹതി ന സാരേതീതി അത്ഥോ. സേസമേത്ഥ ഉബ്ബാഹികവഗ്ഗേ ഉത്താനമേവാതി.
Kodhanotiādīni yasmā kodhādīhi abhibhūto kāraṇākāraṇaṃ na jānāti, vinicchituṃ na sakkoti, tasmā vuttāni. Pasāretā hotino sāretāti mohetā hoti, na satiuppādetā; codakacuditakānaṃ kathaṃ moheti pidahati na sāretīti attho. Sesamettha ubbāhikavagge uttānamevāti.
ഉബ്ബാഹികവഗ്ഗവണ്ണനാ നിട്ഠിതാ.
Ubbāhikavaggavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / പരിവാരപാളി • Parivārapāḷi / ൯. ഉബ്ബാഹികവഗ്ഗോ • 9. Ubbāhikavaggo
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ഉബ്ബാഹികവഗ്ഗവണ്ണനാ • Ubbāhikavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / വോഹാരവഗ്ഗാദിവണ്ണനാ • Vohāravaggādivaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ഉബ്ബാഹികവഗ്ഗവണ്ണനാ • Ubbāhikavaggavaṇṇanā
