| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
ಉಬ್ಬಾಹಿಕವಗ್ಗವಣ್ಣನಾ
Ubbāhikavaggavaṇṇanā
೪೫೫. ಉಬ್ಬಾಹಿಕವಗ್ಗೇ ಅತ್ಥಕುಸಲೋತಿಆದಿಪದಾನಂ ಭೇದನಿಸ್ಸಿತಸಮಾಸಂ ದಸ್ಸೇನ್ತೋ ಆಹ ‘‘ಅಟ್ಠಕಥಾಕುಸಲೋ’’ತಿಆದಿ। ಆಚರಿಯಮುಖತೋತಿ ಆಚರಿಯವದನತೋ, ಆಚರಿಯಸಮ್ಮುಖೇ ವಾ, ಸಿಥಿಲಧನಿತಾದೀತಿ ಆದಿಸದ್ದೇನ ದೀಘರಸ್ಸಾದೀನಿ (ಪರಿ॰ ಅಟ್ಠ॰ ೪೮೫; ವಿ॰ ಸಙ್ಗ॰ ಅಟ್ಠ॰ ೨೫೨) ಸಙ್ಗಣ್ಹಾತಿ। ಅಕ್ಖರಪರಿಚ್ಛೇದೇತಿ ಏತ್ತಕೋ ಸಿಥಿಲೋ, ಏತ್ತಕೋ ಧನಿತೋತಿಆದಿನಾ ಅಕ್ಖರಪರಿಚ್ಛೇದೇ। ಇಮಿನಾ ಬ್ಯಞ್ಜನಕುಸಲೋತಿ ಏತ್ಥ ಬ್ಯಞ್ಜನಸದ್ದೋ ಅಕ್ಖರಪರಿಯಾಯೋತಿ ದಸ್ಸೇತಿ। ನ ಪುಬ್ಬಾಪರಕುಸಲೋತಿ ಏತ್ಥ ಪುಬ್ಬಾಪರೋ ನಾಮ ಪುರಿಮಾನಂ ಚತುನ್ನಞ್ಚೇವ ಕಥಾಯ ಚ ಪುಬ್ಬಾಪರೋತಿ ಆಹ ‘‘ಅತ್ಥಪುಬ್ಬಾಪರೇ’’ತಿಆದಿ।
455. Ubbāhikavagge atthakusalotiādipadānaṃ bhedanissitasamāsaṃ dassento āha ‘‘aṭṭhakathākusalo’’tiādi. Ācariyamukhatoti ācariyavadanato, ācariyasammukhe vā, sithiladhanitādīti ādisaddena dīgharassādīni (pari. aṭṭha. 485; vi. saṅga. aṭṭha. 252) saṅgaṇhāti. Akkharaparicchedeti ettako sithilo, ettako dhanitotiādinā akkharaparicchede. Iminā byañjanakusaloti ettha byañjanasaddo akkharapariyāyoti dasseti. Na pubbāparakusaloti ettha pubbāparo nāma purimānaṃ catunnañceva kathāya ca pubbāparoti āha ‘‘atthapubbāpare’’tiādi.
ಕೋಧನೋತಿಆದೀನಿ ವುತ್ತಾನೀತಿ ಸಮ್ಬನ್ಧೋ। ಯಸ್ಮಾ ನ ಸಕ್ಕೋತೀತಿ ಯೋಜನಾ। ಪಸಾರೇತಾತಿ ಏತ್ಥ ಸರಧಾತು ಉಪಸಗ್ಗವಸೇನ ವೇಚಿತ್ತವಾಚಕೋತಿ ಆಹ ‘‘ಮೋಹೇತಾ’’ತಿ।
Kodhanotiādīni vuttānīti sambandho. Yasmā na sakkotīti yojanā. Pasāretāti ettha saradhātu upasaggavasena vecittavācakoti āha ‘‘mohetā’’ti.
ಇತಿ ಉಬ್ಬಾಹಿಕವಗ್ಗವಣ್ಣನಾಯ ಯೋಜನಾ ಸಮತ್ತಾ।
Iti ubbāhikavaggavaṇṇanāya yojanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi / ೯. ಉಬ್ಬಾಹಿಕವಗ್ಗೋ • 9. Ubbāhikavaggo
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಉಬ್ಬಾಹಿಕವಗ್ಗವಣ್ಣನಾ • Ubbāhikavaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಉಬ್ಬಾಹಿಕವಗ್ಗವಣ್ಣನಾ • Ubbāhikavaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ವೋಹಾರವಗ್ಗಾದಿವಣ್ಣನಾ • Vohāravaggādivaṇṇanā
