| Library / Tipiṭaka / తిపిటక • Tipiṭaka / పరివార-అట్ఠకథా • Parivāra-aṭṭhakathā |
ఉబ్బాహికవగ్గవణ్ణనా
Ubbāhikavaggavaṇṇanā
౪౫౫. ఉబ్బాహికవగ్గే – న అత్థకుసలోతి న అట్ఠకథాకుసలో; అత్థుద్ధారే ఛేకో న హోతి. న ధమ్మకుసలోతి ఆచరియముఖతో అనుగ్గహితత్తా పాళియం న కుసలో, న పాళిసూరో. న నిరుత్తికుసలోతి భాసన్తరవోహారే న కుసలో. న బ్యఞ్జనకుసలోతి సిథిలధనితాదివసేన పరిమణ్డలబ్యఞ్జనారోపనే కుసలో న హోతి; న అక్ఖరపరిచ్ఛేదే నిపుణోతి అత్థో. న పుబ్బాపరకుసలోతి అత్థపుబ్బాపరే ధమ్మపుబ్బాపరే నిరుత్తిపుబ్బాపరే బ్యఞ్జనపుబ్బాపరే పురేకథాపచ్ఛాకథాసు చ న కుసలో హోతి.
455. Ubbāhikavagge – na atthakusaloti na aṭṭhakathākusalo; atthuddhāre cheko na hoti. Na dhammakusaloti ācariyamukhato anuggahitattā pāḷiyaṃ na kusalo, na pāḷisūro. Naniruttikusaloti bhāsantaravohāre na kusalo. Na byañjanakusaloti sithiladhanitādivasena parimaṇḍalabyañjanāropane kusalo na hoti; na akkharaparicchede nipuṇoti attho. Na pubbāparakusaloti atthapubbāpare dhammapubbāpare niruttipubbāpare byañjanapubbāpare purekathāpacchākathāsu ca na kusalo hoti.
కోధనోతిఆదీని యస్మా కోధాదీహి అభిభూతో కారణాకారణం న జానాతి, వినిచ్ఛితుం న సక్కోతి, తస్మా వుత్తాని. పసారేతా హోతి నో సారేతాతి మోహేతా హోతి, న సతిఉప్పాదేతా; చోదకచుదితకానం కథం మోహేతి పిదహతి న సారేతీతి అత్థో. సేసమేత్థ ఉబ్బాహికవగ్గే ఉత్తానమేవాతి.
Kodhanotiādīni yasmā kodhādīhi abhibhūto kāraṇākāraṇaṃ na jānāti, vinicchituṃ na sakkoti, tasmā vuttāni. Pasāretā hotino sāretāti mohetā hoti, na satiuppādetā; codakacuditakānaṃ kathaṃ moheti pidahati na sāretīti attho. Sesamettha ubbāhikavagge uttānamevāti.
ఉబ్బాహికవగ్గవణ్ణనా నిట్ఠితా.
Ubbāhikavaggavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / పరివారపాళి • Parivārapāḷi / ౯. ఉబ్బాహికవగ్గో • 9. Ubbāhikavaggo
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ఉబ్బాహికవగ్గవణ్ణనా • Ubbāhikavaggavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / వోహారవగ్గాదివణ్ణనా • Vohāravaggādivaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ఉబ్బాహికవగ్గవణ్ణనా • Ubbāhikavaggavaṇṇanā
