| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
उब्बाहिकवग्गवण्णना
Ubbāhikavaggavaṇṇanā
४५५. उब्बाहिकवग्गे अत्थकुसलोतिआदिपदानं भेदनिस्सितसमासं दस्सेन्तो आह ‘‘अट्ठकथाकुसलो’’तिआदि। आचरियमुखतोति आचरियवदनतो, आचरियसम्मुखे वा, सिथिलधनितादीति आदिसद्देन दीघरस्सादीनि (परि॰ अट्ठ॰ ४८५; वि॰ सङ्ग॰ अट्ठ॰ २५२) सङ्गण्हाति। अक्खरपरिच्छेदेति एत्तको सिथिलो, एत्तको धनितोतिआदिना अक्खरपरिच्छेदे। इमिना ब्यञ्जनकुसलोति एत्थ ब्यञ्जनसद्दो अक्खरपरियायोति दस्सेति। न पुब्बापरकुसलोति एत्थ पुब्बापरो नाम पुरिमानं चतुन्नञ्चेव कथाय च पुब्बापरोति आह ‘‘अत्थपुब्बापरे’’तिआदि।
455. Ubbāhikavagge atthakusalotiādipadānaṃ bhedanissitasamāsaṃ dassento āha ‘‘aṭṭhakathākusalo’’tiādi. Ācariyamukhatoti ācariyavadanato, ācariyasammukhe vā, sithiladhanitādīti ādisaddena dīgharassādīni (pari. aṭṭha. 485; vi. saṅga. aṭṭha. 252) saṅgaṇhāti. Akkharaparicchedeti ettako sithilo, ettako dhanitotiādinā akkharaparicchede. Iminā byañjanakusaloti ettha byañjanasaddo akkharapariyāyoti dasseti. Na pubbāparakusaloti ettha pubbāparo nāma purimānaṃ catunnañceva kathāya ca pubbāparoti āha ‘‘atthapubbāpare’’tiādi.
कोधनोतिआदीनि वुत्तानीति सम्बन्धो। यस्मा न सक्कोतीति योजना। पसारेताति एत्थ सरधातु उपसग्गवसेन वेचित्तवाचकोति आह ‘‘मोहेता’’ति।
Kodhanotiādīni vuttānīti sambandho. Yasmā na sakkotīti yojanā. Pasāretāti ettha saradhātu upasaggavasena vecittavācakoti āha ‘‘mohetā’’ti.
इति उब्बाहिकवग्गवण्णनाय योजना समत्ता।
Iti ubbāhikavaggavaṇṇanāya yojanā samattā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi / ९. उब्बाहिकवग्गो • 9. Ubbāhikavaggo
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā / उब्बाहिकवग्गवण्णना • Ubbāhikavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / उब्बाहिकवग्गवण्णना • Ubbāhikavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / वोहारवग्गादिवण्णना • Vohāravaggādivaṇṇanā
