| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೩೮೮. ತುಣ್ಡಿಲಜಾತಕಂ (೬-೨-೩)
388. Tuṇḍilajātakaṃ (6-2-3)
೮೮.
88.
ಬಹುಕೇ ಜನೇ ಪಾಸಪಾಣಿಕೇ, ನೋ ಚ ಖೋ ಮೇ ಪಟಿಭಾತಿ ಭುಞ್ಜಿತುಂ॥
Bahuke jane pāsapāṇike, no ca kho me paṭibhāti bhuñjituṃ.
೮೯.
89.
ತಸಸಿ ಭಮಸಿ ಲೇಣಮಿಚ್ಛಸಿ, ಅತ್ತಾಣೋಸಿ ಕುಹಿಂ ಗಮಿಸ್ಸಸಿ।
Tasasi bhamasi leṇamicchasi, attāṇosi kuhiṃ gamissasi;
ಅಪ್ಪೋಸ್ಸುಕ್ಕೋ ಭುಞ್ಜ ತುಣ್ಡಿಲ, ಮಂಸತ್ಥಾಯ ಹಿ ಪೋಸಿತಾಮ್ಹಸೇ 5॥
Appossukko bhuñja tuṇḍila, maṃsatthāya hi positāmhase 6.
೯೦.
90.
ಓಗಹ ರಹದಂ ಅಕದ್ದಮಂ, ಸಬ್ಬಂ ಸೇದಮಲಂ ಪವಾಹಯ।
Ogaha rahadaṃ akaddamaṃ, sabbaṃ sedamalaṃ pavāhaya;
ಗಣ್ಹಾಹಿ ನವಂ ವಿಲೇಪನಂ, ಯಸ್ಸ ಗನ್ಧೋ ನ ಕದಾಚಿ ಛಿಜ್ಜತಿ॥
Gaṇhāhi navaṃ vilepanaṃ, yassa gandho na kadāci chijjati.
೯೧.
91.
ಕತಮೋ ರಹದೋ ಅಕದ್ದಮೋ, ಕಿಂಸು ಸೇದಮಲನ್ತಿ ವುಚ್ಚತಿ।
Katamo rahado akaddamo, kiṃsu sedamalanti vuccati;
ಕತಮಞ್ಚ ನವಂ ವಿಲೇಪನಂ, ಯಸ್ಸ ಗನ್ಧೋ ನ ಕದಾಚಿ ಛಿಜ್ಜತಿ॥
Katamañca navaṃ vilepanaṃ, yassa gandho na kadāci chijjati.
೯೨.
92.
ಧಮ್ಮೋ ರಹದೋ ಅಕದ್ದಮೋ, ಪಾಪಂ ಸೇದಮಲನ್ತಿ ವುಚ್ಚತಿ।
Dhammo rahado akaddamo, pāpaṃ sedamalanti vuccati;
ಸೀಲಞ್ಚ ನವಂ ವಿಲೇಪನಂ, ತಸ್ಸ ಗನ್ಧೋ ನ ಕದಾಚಿ ಛಿಜ್ಜತಿ॥
Sīlañca navaṃ vilepanaṃ, tassa gandho na kadāci chijjati.
೯೩.
93.
ನನ್ದನ್ತಿ ಸರೀರಘಾತಿನೋ, ನ ಚ ನನ್ದನ್ತಿ ಸರೀರಧಾರಿನೋ।
Nandanti sarīraghātino, na ca nandanti sarīradhārino;
ಪುಣ್ಣಾಯ ಚ ಪುಣ್ಣಮಾಸಿಯಾ, ರಮಮಾನಾವ ಜಹನ್ತಿ ಜೀವಿತನ್ತಿ॥
Puṇṇāya ca puṇṇamāsiyā, ramamānāva jahanti jīvitanti.
ತುಣ್ಡಿಲಜಾತಕಂ ತತಿಯಂ।
Tuṇḍilajātakaṃ tatiyaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೩೮೮] ೩. ತುಣ್ಡಿಲಜಾತಕವಣ್ಣನಾ • [388] 3. Tuṇḍilajātakavaṇṇanā
