| Library / Tipiṭaka / တိပိဋက • Tipiṭaka / သုတ္တနိပာတ-အဋ္ဌကထာ • Suttanipāta-aṭṭhakathā |
၉. တောဒေယ္ယသုတ္တဝဏ္ဏနာ
9. Todeyyasuttavaṇṇanā
၁၀၉၅. ယသ္မိံ ကာမာတိ တောဒေယ္ယသုတ္တံ။ တတ္ထ ဝိမောက္ခော တသ္သ ကီဒိသောတိ တသ္သ ကီဒိသော ဝိမောက္ခော ဣစ္ဆိတဗ္ဗောတိ ပုစ္ဆတိ ။ ဣဒာနိ တသ္သ အညဝိမောက္ခာဘာဝံ ဒသ္သေန္တော ဘဂဝာ ဒုတိယံ ဂာထမာဟ။ တတ္ထ ဝိမောက္ခော တသ္သ နာပရောတိ တသ္သ အညော ဝိမောက္ခော နတ္ထိ။
1095.Yasmiṃkāmāti todeyyasuttaṃ. Tattha vimokkho tassa kīdisoti tassa kīdiso vimokkho icchitabboti pucchati . Idāni tassa aññavimokkhābhāvaṃ dassento bhagavā dutiyaṃ gāthamāha. Tattha vimokkho tassa nāparoti tassa añño vimokkho natthi.
၁၀၉၇-၈. ဧဝံ ‘‘တဏ္ဟက္ခယော ဧဝ ဝိမောက္ခော’’တိ ဝုတ္တေပိ တမတ္ထံ အသလ္လက္ခေန္တော ‘‘နိရာသသော သော ဥဒ အာသသာနော’’တိ ပုန ပုစ္ဆတိ။ တတ္ထ ဥဒ ပညကပ္ပီတိ ဥဒာဟု သမာပတ္တိဉာဏာဒိနာ ဉာဏေန တဏ္ဟာကပ္ပံ ဝာ ဒိဋ္ဌိကပ္ပံ ဝာ ကပ္ပယတိ။ အထသ္သ ဘဂဝာ တံ အာစိက္ခန္တော ဒုတိယံ ဂာထမာဟ။ တတ္ထ ကာမဘဝေတိ ကာမေ စ ဘဝေ စ။ သေသံ သဗ္ဗတ္ထ ပာကဋမေဝ။
1097-8. Evaṃ ‘‘taṇhakkhayo eva vimokkho’’ti vuttepi tamatthaṃ asallakkhento ‘‘nirāsaso so uda āsasāno’’ti puna pucchati. Tattha uda paññakappīti udāhu samāpattiñāṇādinā ñāṇena taṇhākappaṃ vā diṭṭhikappaṃ vā kappayati. Athassa bhagavā taṃ ācikkhanto dutiyaṃ gāthamāha. Tattha kāmabhaveti kāme ca bhave ca. Sesaṃ sabbattha pākaṭameva.
ဧဝံ ဘဂဝာ ဣမမ္ပိ သုတ္တံ အရဟတ္တနိကူဋေနေဝ ဒေသေသိ။ ဒေသနာပရိယောသာနေ စ ပုဗ္ဗသဒိသော ဧဝ ဓမ္မာဘိသမယော အဟောသီတိ။
Evaṃ bhagavā imampi suttaṃ arahattanikūṭeneva desesi. Desanāpariyosāne ca pubbasadiso eva dhammābhisamayo ahosīti.
ပရမတ္ထဇောတိကာယ ခုဒ္ဒက-အဋ္ဌကထာယ
Paramatthajotikāya khuddaka-aṭṭhakathāya
သုတ္တနိပာတ-အဋ္ဌကထာယ တောဒေယ္ယသုတ္တဝဏ္ဏနာ နိဋ္ဌိတာ။
Suttanipāta-aṭṭhakathāya todeyyasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / ခုဒ္ဒကနိကာယ • Khuddakanikāya / သုတ္တနိပာတပာဠိ • Suttanipātapāḷi / ၉. တောဒေယ္ယမာဏဝပုစ္ဆာ • 9. Todeyyamāṇavapucchā
