10. Tivaṇṭipupphiyattheraapadānaṃ

57.

‘‘Abhibhūtaṃ panijjhanti ³, sabbe saṅgamma te mamaṃ ⁴;

Tesaṃ nijjhāyamānānaṃ, pariḷāho ajāyatha.

58.

‘‘Sunando nāma nāmena, buddhassa sāvako tadā;

Dhammadassissa munino, āgacchi mama santikaṃ.

59.

‘‘Ye me baddhacarā āsuṃ, te me pupphaṃ aduṃ tadā;

Tāhaṃ pupphaṃ gahetvāna, sāvake abhiropayiṃ.

60.

‘‘Sohaṃ kālaṃkato tattha, punāpi upapajjahaṃ;

Aṭṭhārase kappasate, vinipātaṃ na gacchahaṃ.

61.

‘‘Teraseto kappasate, aṭṭhāsuṃ dhūmaketuno;

Sattaratanasampannā, cakkavattī mahabbalā.

62.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā tivaṇṭipupphiyo thero imā gāthāyo abhāsitthāti;

Tivaṇṭipupphiyattherassāpadānaṃ dasamaṃ.

Kuṭajapupphiyavaggo ekūnavīsatimo.

Tassuddānaṃ –

Kuṭajo bandhujīvī ca, koṭumbarikahatthiyo;

Isimuggo ca bodhi ca, ekacintī tikaṇṇiko;

Ekacārī tivaṇṭi ca, gāthā dvāsaṭṭhi kittitāti.