| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೨. ತಿಠಾನಸುತ್ತಂ
2. Tiṭhānasuttaṃ
೪೨. ‘‘ತೀಹಿ , ಭಿಕ್ಖವೇ, ಠಾನೇಹಿ ಸದ್ಧೋ ಪಸನ್ನೋ ವೇದಿತಬ್ಬೋ। ಕತಮೇಹಿ ತೀಹಿ? ಸೀಲವನ್ತಾನಂ ದಸ್ಸನಕಾಮೋ ಹೋತಿ, ಸದ್ಧಮ್ಮಂ ಸೋತುಕಾಮೋ ಹೋತಿ , ವಿಗತಮಲಮಚ್ಛೇರೇನ ಚೇತಸಾ ಅಗಾರಂ ಅಜ್ಝಾವಸತಿ ಮುತ್ತಚಾಗೋ ಪಯತಪಾಣಿ ವೋಸ್ಸಗ್ಗರತೋ ಯಾಚಯೋಗೋ ದಾನಸಂವಿಭಾಗರತೋ। ಇಮೇಹಿ ಖೋ, ಭಿಕ್ಖವೇ, ತೀಹಿ ಠಾನೇಹಿ ಸದ್ಧೋ ಪಸನ್ನೋ ವೇದಿತಬ್ಬೋ’’।
42. ‘‘Tīhi , bhikkhave, ṭhānehi saddho pasanno veditabbo. Katamehi tīhi? Sīlavantānaṃ dassanakāmo hoti, saddhammaṃ sotukāmo hoti , vigatamalamaccherena cetasā agāraṃ ajjhāvasati muttacāgo payatapāṇi vossaggarato yācayogo dānasaṃvibhāgarato. Imehi kho, bhikkhave, tīhi ṭhānehi saddho pasanno veditabbo’’.
‘‘ದಸ್ಸನಕಾಮೋ ಸೀಲವತಂ, ಸದ್ಧಮ್ಮಂ ಸೋತುಮಿಚ್ಛತಿ।
‘‘Dassanakāmo sīlavataṃ, saddhammaṃ sotumicchati;
ವಿನಯೇ ಮಚ್ಛೇರಮಲಂ, ಸ ವೇ ಸದ್ಧೋತಿ ವುಚ್ಚತೀ’’ತಿ॥ ದುತಿಯಂ।
Vinaye maccheramalaṃ, sa ve saddhoti vuccatī’’ti. dutiyaṃ;
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೨. ತಿಠಾನಸುತ್ತವಣ್ಣನಾ • 2. Tiṭhānasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೨. ತಿಠಾನಸುತ್ತವಣ್ಣನಾ • 2. Tiṭhānasuttavaṇṇanā
