| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༢. ཏིསྶསུཏྟཝཎྞནཱ
2. Tissasuttavaṇṇanā
༨༤. མདྷུརཀཾ ཝུཙྩཏི ཀཱཡེ ཝིབྷཱརནྟི ཨཱཧ – ‘‘མདྷུརཀཛཱཏོ ཝིཡཱཏི སཉྫཱཏགརུབྷཱཝོ ཝིཡཱ’’ཏི། གརུབྷཱཝེ སཏི ལཧུཏཱ ཨནོཀཱསཱཝ, ཏཐཱ མུདུཏཱ ཀམྨཉྙཏཱ ཙཱཏི ཝུཏྟཾ ‘‘ཨཀམྨཉྙོ’’ཏི། ‘‘ཀཱཡེ’’ཏི ཨཱནེཏྭཱ ཝཏྟབྦཾ། ན པཀྑཱཡནྟཱིཏི པཀཱསཱ ཧུཏྭཱ ན ཁཱཡནྟི། ཏེནཱཧ ‘‘ན པཱཀཊཱ ཧོནྟཱི’’ཏི། ཨུཔཊྛཧནྟཱིཏི ཨུཔཏིཊྛནྟི། ན དིསྶཏཱིཏི གཧཎཾ ན གཙྪཏི། མཧཱཝིཙིཀིཙྪཱཏི ཨཊྛཝཏྠུཀཱ སོལ༹སཝཏྠུཀཱ ཙ ཝིམཏི། ན ཧི ཨུཔྤཛྫཏི པརིཔཀྐཀུསལམཱུལཏྟཱ།
84. Madhurakaṃ vuccati kāye vibhāranti āha – ‘‘madhurakajāto viyāti sañjātagarubhāvo viyā’’ti. Garubhāve sati lahutā anokāsāva, tathā mudutā kammaññatā cāti vuttaṃ ‘‘akammañño’’ti. ‘‘Kāye’’ti ānetvā vattabbaṃ. Na pakkhāyantīti pakāsā hutvā na khāyanti. Tenāha ‘‘na pākaṭā hontī’’ti. Upaṭṭhahantīti upatiṭṭhanti. Na dissatīti gahaṇaṃ na gacchati. Mahāvicikicchāti aṭṭhavatthukā soḷasavatthukā ca vimati. Na hi uppajjati paripakkakusalamūlattā.
ཀཱམཱནམེཏཾ ཨདྷིཝཙནནྟི པདཾ ཨུདྡྷརིཏྭཱ ཡེན ཨདྷིཔྤཱཡེན བྷགཝཏཱ ནིནྣཾ པལླལཾ ཀཱམཱནཾ ནིདསྶནབྷཱཝེན ཨཱབྷཏཾ, ཏཾ ཨདྷིཔྤཱཡཾ ཝིབྷཱཝེཏུཾ ‘‘ཡཐཱ ཧཱི’’ཏིཨཱདི ཝུཏྟཾ།
Kāmānametaṃ adhivacananti padaṃ uddharitvā yena adhippāyena bhagavatā ninnaṃ pallalaṃ kāmānaṃ nidassanabhāvena ābhataṃ, taṃ adhippāyaṃ vibhāvetuṃ ‘‘yathā hī’’tiādi vuttaṃ.
ཏིསྶསུཏྟཝཎྞནཱ ནིཊྛིཏཱ།
Tissasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༢. ཏིསྶསུཏྟཾ • 2. Tissasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. ཏིསྶསུཏྟཝཎྞནཱ • 2. Tissasuttavaṇṇanā
