| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૨. તિસ્સસુત્તવણ્ણના
2. Tissasuttavaṇṇanā
૮૪. મધુરકં વુચ્ચતિ કાયે વિભારન્તિ આહ – ‘‘મધુરકજાતો વિયાતિ સઞ્જાતગરુભાવો વિયા’’તિ. ગરુભાવે સતિ લહુતા અનોકાસાવ, તથા મુદુતા કમ્મઞ્ઞતા ચાતિ વુત્તં ‘‘અકમ્મઞ્ઞો’’તિ. ‘‘કાયે’’તિ આનેત્વા વત્તબ્બં. ન પક્ખાયન્તીતિ પકાસા હુત્વા ન ખાયન્તિ. તેનાહ ‘‘ન પાકટા હોન્તી’’તિ. ઉપટ્ઠહન્તીતિ ઉપતિટ્ઠન્તિ. ન દિસ્સતીતિ ગહણં ન ગચ્છતિ. મહાવિચિકિચ્છાતિ અટ્ઠવત્થુકા સોળસવત્થુકા ચ વિમતિ. ન હિ ઉપ્પજ્જતિ પરિપક્કકુસલમૂલત્તા.
84. Madhurakaṃ vuccati kāye vibhāranti āha – ‘‘madhurakajāto viyāti sañjātagarubhāvo viyā’’ti. Garubhāve sati lahutā anokāsāva, tathā mudutā kammaññatā cāti vuttaṃ ‘‘akammañño’’ti. ‘‘Kāye’’ti ānetvā vattabbaṃ. Na pakkhāyantīti pakāsā hutvā na khāyanti. Tenāha ‘‘na pākaṭā hontī’’ti. Upaṭṭhahantīti upatiṭṭhanti. Na dissatīti gahaṇaṃ na gacchati. Mahāvicikicchāti aṭṭhavatthukā soḷasavatthukā ca vimati. Na hi uppajjati paripakkakusalamūlattā.
કામાનમેતં અધિવચનન્તિ પદં ઉદ્ધરિત્વા યેન અધિપ્પાયેન ભગવતા નિન્નં પલ્લલં કામાનં નિદસ્સનભાવેન આભતં, તં અધિપ્પાયં વિભાવેતું ‘‘યથા હી’’તિઆદિ વુત્તં.
Kāmānametaṃ adhivacananti padaṃ uddharitvā yena adhippāyena bhagavatā ninnaṃ pallalaṃ kāmānaṃ nidassanabhāvena ābhataṃ, taṃ adhippāyaṃ vibhāvetuṃ ‘‘yathā hī’’tiādi vuttaṃ.
તિસ્સસુત્તવણ્ણના નિટ્ઠિતા.
Tissasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૨. તિસ્સસુત્તં • 2. Tissasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૨. તિસ્સસુત્તવણ્ણના • 2. Tissasuttavaṇṇanā
