| Library / Tipiṭaka / തിപിടക • Tipiṭaka / സുത്തനിപാതപാളി • Suttanipātapāḷi |
൨. തിസ്സമേത്തേയ്യമാണവപുച്ഛാ
2. Tissametteyyamāṇavapucchā
൧൦൪൬.
1046.
‘‘കോധ സന്തുസിതോ ലോകേ, (ഇച്ചായസ്മാ തിസ്സമേത്തേയ്യോ)
‘‘Kodha santusito loke, (iccāyasmā tissametteyyo)
കസ്സ നോ സന്തി ഇഞ്ജിതാ;
Kassa no santi iñjitā;
കം ബ്രൂസി മഹാപുരിസോതി, കോ ഇധ സിബ്ബിനിമച്ചഗാ’’.
Kaṃ brūsi mahāpurisoti, ko idha sibbinimaccagā’’.
൧൦൪൭.
1047.
‘‘കാമേസു ബ്രഹ്മചരിയവാ, (മേത്തേയ്യാതി ഭഗവാ)
‘‘Kāmesu brahmacariyavā, (metteyyāti bhagavā)
വീതതണ്ഹോ സദാ സതോ;
Vītataṇho sadā sato;
സങ്ഖായ നിബ്ബുതോ ഭിക്ഖു, തസ്സ നോ സന്തി ഇഞ്ജിതാ.
Saṅkhāya nibbuto bhikkhu, tassa no santi iñjitā.
൧൦൪൮.
1048.
‘‘സോ ഉഭന്തമഭിഞ്ഞായ, മജ്ഝേ മന്താ ന ലിപ്പതി;
‘‘So ubhantamabhiññāya, majjhe mantā na lippati;
തം ബ്രൂമി മഹാപുരിസോതി, സോ ഇധ സിബ്ബിനിമച്ചഗാ’’തി.
Taṃ brūmi mahāpurisoti, so idha sibbinimaccagā’’ti.
തിസ്സമേത്തേയ്യമാണവപുച്ഛാ ദുതിയാ നിട്ഠിതാ.
Tissametteyyamāṇavapucchā dutiyā niṭṭhitā.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / സുത്തനിപാത-അട്ഠകഥാ • Suttanipāta-aṭṭhakathā / ൨. തിസ്സമേത്തേയ്യസുത്തവണ്ണനാ • 2. Tissametteyyasuttavaṇṇanā
