| Library / Tipiṭaka / တိပိဋက • Tipiṭaka / သုတ္တနိပာတပာဠိ • Suttanipātapāḷi |
၂. တိသ္သမေတ္တေယ္ယမာဏဝပုစ္ဆာ
2. Tissametteyyamāṇavapucchā
၁၀၄၆.
1046.
‘‘ကောဓ သန္တုသိတော လောကေ၊ (ဣစ္စာယသ္မာ တိသ္သမေတ္တေယ္ယော)
‘‘Kodha santusito loke, (iccāyasmā tissametteyyo)
ကသ္သ နော သန္တိ ဣဉ္ဇိတာ။
Kassa no santi iñjitā;
ကံ ဗ္ရူသိ မဟာပုရိသောတိ၊ ကော ဣဓ သိဗ္ဗိနိမစ္စဂာ’’။
Kaṃ brūsi mahāpurisoti, ko idha sibbinimaccagā’’.
၁၀၄၇.
1047.
‘‘ကာမေသု ဗ္ရဟ္မစရိယဝာ၊ (မေတ္တေယ္ယာတိ ဘဂဝာ)
‘‘Kāmesu brahmacariyavā, (metteyyāti bhagavā)
ဝီတတဏ္ဟော သဒာ သတော။
Vītataṇho sadā sato;
သင္ခာယ နိဗ္ဗုတော ဘိက္ခု၊ တသ္သ နော သန္တိ ဣဉ္ဇိတာ။
Saṅkhāya nibbuto bhikkhu, tassa no santi iñjitā.
၁၀၄၈.
1048.
‘‘သော ဥဘန္တမဘိညာယ၊ မဇ္ဈေ မန္တာ န လိပ္ပတိ။
‘‘So ubhantamabhiññāya, majjhe mantā na lippati;
တံ ဗ္ရူမိ မဟာပုရိသောတိ၊ သော ဣဓ သိဗ္ဗိနိမစ္စဂာ’’တိ။
Taṃ brūmi mahāpurisoti, so idha sibbinimaccagā’’ti.
တိသ္သမေတ္တေယ္ယမာဏဝပုစ္ဆာ ဒုတိယာ နိဋ္ဌိတာ။
Tissametteyyamāṇavapucchā dutiyā niṭṭhitā.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / သုတ္တနိပာတ-အဋ္ဌကထာ • Suttanipāta-aṭṭhakathā / ၂. တိသ္သမေတ္တေယ္ယသုတ္တဝဏ္ဏနာ • 2. Tissametteyyasuttavaṇṇanā
