| Library / Tipiṭaka / તિપિટક • Tipiṭaka / ચૂળનિદ્દેસપાળિ • Cūḷaniddesapāḷi |
૨. તિસ્સમેત્તેય્યમાણવપુચ્છા
2. Tissametteyyamāṇavapucchā
૬૫.
65.
‘‘કોધ સન્તુસિતો લોકે, [ઇચ્ચાયસ્મા તિસ્સમેત્તેય્યો]
‘‘Kodha santusito loke, [iccāyasmā tissametteyyo]
કસ્સ નો સન્તિ ઇઞ્જિતા;
Kassa no santi iñjitā;
કં બ્રૂસિ મહાપુરિસોતિ, કો ઇધ સિબ્બિનિમચ્ચગા’’તિ 3.
Kaṃ brūsi mahāpurisoti, ko idha sibbinimaccagā’’ti 4.
૬૬.
66.
‘‘કામેસુ બ્રહ્મચરિયવા, [મેત્તેય્યાતિ ભગવા]
‘‘Kāmesu brahmacariyavā, [metteyyāti bhagavā]
વીતતણ્હો સદા સતો;
Vītataṇho sadā sato;
સઙ્ખાય નિબ્બુતો ભિક્ખુ, તસ્સ નો સન્તિ ઇઞ્જિતા.
Saṅkhāya nibbuto bhikkhu, tassa no santi iñjitā.
૬૭.
67.
‘‘સો ઉભન્તમભિઞ્ઞાય, મજ્ઝે મન્તા ન લિપ્પતિ;
‘‘So ubhantamabhiññāya, majjhe mantā na lippati;
તં બ્રૂમિ મહાપુરિસોતિ, સો ઇધ સિબ્બિનિમચ્ચગા’’તિ.
Taṃ brūmi mahāpurisoti, so idha sibbinimaccagā’’ti.
તિસ્સમેત્તેય્યમાણવપુચ્છા દુતિયા.
Tissametteyyamāṇavapucchā dutiyā.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / ચૂળનિદ્દેસ-અટ્ઠકથા • Cūḷaniddesa-aṭṭhakathā / ૨. તિસ્સમેત્તેય્યમાણવસુત્તનિદ્દેસવણ્ણના • 2. Tissametteyyamāṇavasuttaniddesavaṇṇanā
