| Library / Tipiṭaka / तिपिटक • Tipiṭaka / सुत्तनिपातपाळि • Suttanipātapāḷi |
२. तिस्समेत्तेय्यमाणवपुच्छा
2. Tissametteyyamāṇavapucchā
१०४६.
1046.
‘‘कोध सन्तुसितो लोके, (इच्चायस्मा तिस्समेत्तेय्यो)
‘‘Kodha santusito loke, (iccāyasmā tissametteyyo)
कस्स नो सन्ति इञ्जिता।
Kassa no santi iñjitā;
कं ब्रूसि महापुरिसोति, को इध सिब्बिनिमच्चगा’’॥
Kaṃ brūsi mahāpurisoti, ko idha sibbinimaccagā’’.
१०४७.
1047.
‘‘कामेसु ब्रह्मचरियवा, (मेत्तेय्याति भगवा)
‘‘Kāmesu brahmacariyavā, (metteyyāti bhagavā)
वीततण्हो सदा सतो।
Vītataṇho sadā sato;
सङ्खाय निब्बुतो भिक्खु, तस्स नो सन्ति इञ्जिता॥
Saṅkhāya nibbuto bhikkhu, tassa no santi iñjitā.
१०४८.
1048.
‘‘सो उभन्तमभिञ्ञाय, मज्झे मन्ता न लिप्पति।
‘‘So ubhantamabhiññāya, majjhe mantā na lippati;
तं ब्रूमि महापुरिसोति, सो इध सिब्बिनिमच्चगा’’ति॥
Taṃ brūmi mahāpurisoti, so idha sibbinimaccagā’’ti.
तिस्समेत्तेय्यमाणवपुच्छा दुतिया निट्ठिता।
Tissametteyyamāṇavapucchā dutiyā niṭṭhitā.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / सुत्तनिपात-अट्ठकथा • Suttanipāta-aṭṭhakathā / २. तिस्समेत्तेय्यसुत्तवण्णना • 2. Tissametteyyasuttavaṇṇanā
