| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਤਿਸ੍ਸਬ੍ਰਹ੍ਮਾਸੁਤ੍ਤવਣ੍ਣਨਾ
3. Tissabrahmāsuttavaṇṇanā
੫੬. ਤਤਿਯੇ ਭਿਕ੍ਖੁਨਿਯੋਤਿ ਮਹਾਪਜਾਪਤਿਯਾ ਪਰਿવਾਰਾ ਪਞ੍ਚਸਤਾ ਭਿਕ੍ਖੁਨਿਯੋ। વਿਮੁਤ੍ਤਾਤਿ ਪਞ੍ਚਹਿ વਿਮੁਤ੍ਤੀਹਿ વਿਮੁਤ੍ਤਾ। ਅਨੁਪਾਦਿਸੇਸਾਤਿ ਉਪਾਦਾਨਸੇਸਂ ਅਟ੍ਠਪੇਤ੍વਾ ਪਞ੍ਚਹਿ વਿਮੁਤ੍ਤੀਹਿ ਅਨવਸੇਸਾਹਿਪਿ વਿਮੁਤ੍ਤਾ। ਸਉਪਾਦਿਸੇਸੇ વਾ ਸਉਪਾਦਿਸੇਸੋਤਿ ਸਉਪਾਦਾਨਸੇਸੇ ਪੁਗ੍ਗਲੇ ‘‘ਸਉਪਾਦਾਨਸੇਸੋ ਅਯ’’ਨ੍ਤਿ। ਇਤਰਸ੍ਮਿਮ੍ਪਿ ਏਸੇવ ਨਯੋ। ਤਿਸ੍ਸੋਤਿ ਥੇਰਸ੍ਸ ਸਦ੍ਧਿવਿਹਾਰਿਕਬ੍ਰਹ੍ਮਾ। ਅਨੁਲੋਮਿਕਾਨੀਤਿ ਪਟਿਪਤ੍ਤਿਯਾ ਅਨੁਲੋਮਾਨਿ વਿવਿਤ੍ਤਾਨਿ ਅਨ੍ਤਿਮਪਰਿਯਨ੍ਤਿਮਾਨਿ। ਇਨ੍ਦ੍ਰਿਯਾਨੀਤਿ ਸਦ੍ਧਾਦੀਨਿ વਿਪਸ੍ਸਨਿਨ੍ਦ੍ਰਿਯਾਨਿ। ਸਮਨ੍ਨਾਨਯਮਾਨੋਤਿ ਸਮਨ੍ਨਾਹਾਰੇ ਠਪਯਮਾਨੋ। ਨ ਹਿ ਪਨ ਤੇਤਿ ਇਦਂ ਕਸ੍ਮਾ ਆਰਭਿ? ਸਤ੍ਤਮਸ੍ਸ ਪੁਗ੍ਗਲਸ੍ਸ ਦਸ੍ਸਨਤ੍ਥਂ। ਸਤ੍ਤਮੋ ਹਿ ਸਦ੍ਧਾਨੁਸਾਰਿਪੁਗ੍ਗਲੋ ਨ ਦਸ੍ਸਿਤੋ। ਅਥ ਭਗવਾ ਬਲવવਿਪਸ੍ਸਕવਸੇਨ ਤਂ ਦਸ੍ਸੇਨ੍ਤੋ ਏવਮਾਹ। ਤਤ੍ਥ ਸਬ੍ਬਨਿਮਿਤ੍ਤਾਨਨ੍ਤਿ ਸਬ੍ਬੇਸਂ ਨਿਚ੍ਚਨਿਮਿਤ੍ਤਾਦੀਨਂ। ਅਨਿਮਿਤ੍ਤਨ੍ਤਿ ਬਲવવਿਪਸ੍ਸਨਾਸਮਾਧਿਂ।
56. Tatiye bhikkhuniyoti mahāpajāpatiyā parivārā pañcasatā bhikkhuniyo. Vimuttāti pañcahi vimuttīhi vimuttā. Anupādisesāti upādānasesaṃ aṭṭhapetvā pañcahi vimuttīhi anavasesāhipi vimuttā. Saupādisese vā saupādisesoti saupādānasese puggale ‘‘saupādānaseso aya’’nti. Itarasmimpi eseva nayo. Tissoti therassa saddhivihārikabrahmā. Anulomikānīti paṭipattiyā anulomāni vivittāni antimapariyantimāni. Indriyānīti saddhādīni vipassanindriyāni. Samannānayamānoti samannāhāre ṭhapayamāno. Na hi pana teti idaṃ kasmā ārabhi? Sattamassa puggalassa dassanatthaṃ. Sattamo hi saddhānusāripuggalo na dassito. Atha bhagavā balavavipassakavasena taṃ dassento evamāha. Tattha sabbanimittānanti sabbesaṃ niccanimittādīnaṃ. Animittanti balavavipassanāsamādhiṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਤਿਸ੍ਸਬ੍ਰਹ੍ਮਾਸੁਤ੍ਤਂ • 3. Tissabrahmāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩. ਤਿਸ੍ਸਬ੍ਰਹ੍ਮਾਸੁਤ੍ਤવਣ੍ਣਨਾ • 3. Tissabrahmāsuttavaṇṇanā
