| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਤਿਰਚ੍ਛਾਨਕਥਾਸੁਤ੍ਤવਣ੍ਣਨਾ
10. Tiracchānakathāsuttavaṇṇanā
੧੦੮੦. ਦੁਗ੍ਗਤਿਤੋ ਸਂਸਾਰਤੋ ਚ ਨਿਯ੍ਯਾਤਿ ਏਤੇਨਾਤਿ ਨਿਯ੍ਯਾਨਂ, ਸਗ੍ਗਮਗ੍ਗੋ ਮੋਕ੍ਖਮਗ੍ਗੋ ਚ। ਤਸ੍ਮਿਂ ਨਿਯ੍ਯਾਨੇ ਨਿਯੁਤ੍ਤਾ, ਤਂ ਏਤ੍ਥ ਅਤ੍ਥੀਤਿ ਨਿਯ੍ਯਾਨਿਕਾ। વਚੀਦੁਚ੍ਚਰਿਤਸਂਕਿਲੇਸਤੋ વਾ ਨਿਯ੍ਯਾਤੀਤਿ ਈ-ਕਾਰਸ੍ਸ ਰਸ੍ਸਤ੍ਤਂ ਯ-ਕਾਰਸ੍ਸ ਕ-ਕਾਰਂ ਕਤ੍વਾ ਨਿਯ੍ਯਾਨਿਕਾ। ਚੇਤਨਾਯ ਸਦ੍ਧਿਂ ਸਮ੍ਫਪ੍ਪਲਾਪਾ વੇਰਮਣਿ। ਤਪ੍ਪਟਿਪਕ੍ਖਤੋ ਅਨਿਯ੍ਯਾਨਿਕਾ, ਤਸ੍ਸ ਭਾવੋ ਅਨਿਯ੍ਯਾਨਿਕਤ੍ਤਂ। ਤਿਰਚ੍ਛਾਨਭੂਤਨ੍ਤਿ ਤਿਰੋਕਰਣਭੂਤਂ। ਕਮ੍ਮਟ੍ਠਾਨਭਾવੇਤਿ ਅਨਿਚ੍ਚਤਾਪਟਿਸਂਯੁਤ੍ਤਚਤੁਸਚ੍ਚਕਮ੍ਮਟ੍ਠਾਨਭਾવੇ। ਸਾਤ੍ਥਕਨ੍ਤਿ ਦਾਨਸੀਲਾਦਿਨਿਸ੍ਸਿਤਤ੍ਤਾ ਹਿਤਪਟਿਸਂਯੁਤ੍ਤਂ।
1080. Duggatito saṃsārato ca niyyāti etenāti niyyānaṃ, saggamaggo mokkhamaggo ca. Tasmiṃ niyyāne niyuttā, taṃ ettha atthīti niyyānikā. Vacīduccaritasaṃkilesato vā niyyātīti ī-kārassa rassattaṃ ya-kārassa ka-kāraṃ katvā niyyānikā. Cetanāya saddhiṃ samphappalāpā veramaṇi. Tappaṭipakkhato aniyyānikā, tassa bhāvo aniyyānikattaṃ. Tiracchānabhūtanti tirokaraṇabhūtaṃ. Kammaṭṭhānabhāveti aniccatāpaṭisaṃyuttacatusaccakammaṭṭhānabhāve. Sātthakanti dānasīlādinissitattā hitapaṭisaṃyuttaṃ.
વਿਸਿਖਾਤਿ ਘਰਸਨ੍ਨਿવੇਸੋ। વਿਸਿਖਾਗਹਣੇਨ ਚ ਗਾਮਾਦਿਗਹਣੇ વਿਯ ਤਨ੍ਨਿવਾਸਿਨੋ વਿਸੇਸਤੋ ਗਹਿਤਾ ‘‘ਆਗਤੋ ਗਾਮੋ’’ਤਿਆਦੀਸੁ વਿਯ । ਤੇਨਾਹ ‘‘ਸੂਰਾ ਸਮਤ੍ਥਾ’’ਤਿ। ਕੁਮ੍ਭਟ੍ਠਾਨਾਪਦੇਸੇਨ ਕੁਮ੍ਭਦਾਸਿਯੋ વੁਤ੍ਤਾਤਿ ਆਹ – ‘‘ਕੁਮ੍ਭਦਾਸਿਕਥਾ’’ਤਿ। ਅਯਾਥਾવਤੋ ਉਪ੍ਪਤ੍ਤਿਟ੍ਠਿਤਿਸਂਹਾਰਾਦਿવਸੇਨ ਲੋਕੋ ਅਕ੍ਖਾਯਤਿ ਏਤੇਨਾਤਿ ਲੋਕਕ੍ਖਾਯਿਕਾ। ਇਤਿ ਇਮਿਨਾ ਪਕਾਰੇਨ ਭવੋ, ਇਮਿਨਾ ਅਭવੋਤਿ ਏવਂ ਪવਤ੍ਤਾਯ ਇਤਿਭવਾਭવਕਥਾਯ ਸਦ੍ਧਿਂ।
Visikhāti gharasanniveso. Visikhāgahaṇena ca gāmādigahaṇe viya tannivāsino visesato gahitā ‘‘āgato gāmo’’tiādīsu viya . Tenāha ‘‘sūrā samatthā’’ti. Kumbhaṭṭhānāpadesena kumbhadāsiyo vuttāti āha – ‘‘kumbhadāsikathā’’ti. Ayāthāvato uppattiṭṭhitisaṃhārādivasena loko akkhāyati etenāti lokakkhāyikā. Iti iminā pakārena bhavo, iminā abhavoti evaṃ pavattāya itibhavābhavakathāya saddhiṃ.
ਸਮਾਧਿવਗ੍ਗવਣ੍ਣਨਾ ਨਿਟ੍ਠਿਤਾ।
Samādhivaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਤਿਰਚ੍ਛਾਨਕਥਾਸੁਤ੍ਤਂ • 10. Tiracchānakathāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਤਿਰਚ੍ਛਾਨਕਥਾਸੁਤ੍ਤવਣ੍ਣਨਾ • 10. Tiracchānakathāsuttavaṇṇanā
