| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๒๐. วีสติมวโคฺค
20. Vīsatimavaggo
(๑๙๗) ๔. ติรจฺฉานกถา
(197) 4. Tiracchānakathā
๘๖๙. อตฺถิ เทเวสุ ติรจฺฉานคตาติ? อามนฺตาฯ อตฺถิ ติรจฺฉานคเตสุ เทวาติ? น เหวํ วตฺตเพฺพ…เป.… อตฺถิ เทเวสุ ติรจฺฉานคตาติ? อามนฺตา ฯ เทวโลโก ติรจฺฉานโยนีติ? น เหวํ วตฺตเพฺพ…เป.… อตฺถิ เทเวสุ ติรจฺฉานคตาติ? อามนฺตาฯ อตฺถิ ตตฺถ กีฎา ปฎงฺคา มกสา มกฺขิกา อหี วิจฺฉิกา สตปที คณฺฑุปฺปาทาติ 1? น เหวํ วตฺตเพฺพ…เป.…ฯ
869. Atthi devesu tiracchānagatāti? Āmantā. Atthi tiracchānagatesu devāti? Na hevaṃ vattabbe…pe… atthi devesu tiracchānagatāti? Āmantā . Devaloko tiracchānayonīti? Na hevaṃ vattabbe…pe… atthi devesu tiracchānagatāti? Āmantā. Atthi tattha kīṭā paṭaṅgā makasā makkhikā ahī vicchikā satapadī gaṇḍuppādāti 2? Na hevaṃ vattabbe…pe….
๘๗๐. นตฺถิ เทเวสุ ติรจฺฉานคตาติ? อามนฺตาฯ นนุ อตฺถิ ตตฺถ เอราวโณ นาม หตฺถินาโค สหสฺสยุตฺตํ ทิพฺพํ ยานนฺติ? อามนฺตาฯ หญฺจิ อตฺถิ ตตฺถ เอราวโณ นาม หตฺถินาโค สหสฺสยุตฺตํ ทิพฺพํ ยานํ, เตน วต เร วตฺตเพฺพ – ‘‘อตฺถิ เทเวสุ ติรจฺฉานคตา’’ติฯ
870. Natthi devesu tiracchānagatāti? Āmantā. Nanu atthi tattha erāvaṇo nāma hatthināgo sahassayuttaṃ dibbaṃ yānanti? Āmantā. Hañci atthi tattha erāvaṇo nāma hatthināgo sahassayuttaṃ dibbaṃ yānaṃ, tena vata re vattabbe – ‘‘atthi devesu tiracchānagatā’’ti.
๘๗๑. อตฺถิ เทเวสุ ติรจฺฉานคตาติ? อามนฺตาฯ อตฺถิ ตตฺถ หตฺถิพนฺธา อสฺสพนฺธา 3 ยาวสิกา การณิกา ภตฺตการกาติ? น เหวํ วตฺตเพฺพฯ เตน หิ นตฺถิ เทเวสุ ติรจฺฉานคตาติฯ
871. Atthi devesu tiracchānagatāti? Āmantā. Atthi tattha hatthibandhā assabandhā 4 yāvasikā kāraṇikā bhattakārakāti? Na hevaṃ vattabbe. Tena hi natthi devesu tiracchānagatāti.
ติรจฺฉานกถา นิฎฺฐิตาฯ
Tiracchānakathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๔. ติรจฺฉานกถาวณฺณนา • 4. Tiracchānakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๔. ติรจฺฉานกถาวณฺณนา • 4. Tiracchānakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๔. ติรจฺฉานกถาวณฺณนา • 4. Tiracchānakathāvaṇṇanā
