| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. д̇ин̣асант̇арад̣̇ааяагад̇т̇зраабад̣̇аанаван̣н̣анаа
6. Tiṇasantharadāyakattheraapadānavaṇṇanā
химаванд̇ассаавид̣̇уурзд̇иаад̣̇игам̣ ааяасмад̇о д̇ин̣асант̇арад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о д̇иссасса бхаг̇авад̇о гаалз згасмим̣ гулаг̇зхз ниб̣б̣ад̇д̇о б̣уд̣̇д̇хуббаад̣̇ад̇о баг̇зва уббаннад̇д̇аа гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа химаванд̇асса авид̣̇уурз згам̣ сарам̣ ниссааяа бадивасад̇и. д̇асмим̣ самаяз д̇иссо бхаг̇аваа д̇ассаанугамбааяа аагаасзна аг̇амааси. ат̇а ко со д̇аабасо аагаасад̇о оруяха тид̇ам̣ д̇ам̣ бхаг̇аванд̇ам̣ д̣̇исваа басаннамаанасо д̇ин̣ам̣ лааяид̇ваа д̇ин̣асант̇арам̣ гад̇ваа нисийд̣̇аабзд̇ваа б̣ахумаанаад̣̇арзна бан̃жабад̇идтид̇зна ванд̣̇ид̇ваа бадигудиго худ̇ваа баггаами. со яаавад̇ааяугам̣ тад̇ваа д̇ад̇о жавид̇ваа д̣̇звамануссзсу сам̣саранд̇о анзгавид̇хасамбад̇д̇им̣ анубхавид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вуд̣̇д̇хиббад̇д̇о сад̇т̇ари басийд̣̇ид̇ваа баб̣б̣аж̇ид̇о нажирассзва арахаа ахоси.
Himavantassāvidūretiādikaṃ āyasmato tiṇasantharadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekasmiṃ kulagehe nibbatto buddhuppādato pageva uppannattā gharāvāsaṃ pahāya tāpasapabbajjaṃ pabbajitvā himavantassa avidūre ekaṃ saraṃ nissāya paṭivasati. Tasmiṃ samaye tisso bhagavā tassānukampāya ākāsena agamāsi. Atha kho so tāpaso ākāsato oruyha ṭhitaṃ taṃ bhagavantaṃ disvā pasannamānaso tiṇaṃ lāyitvā tiṇasantharaṃ katvā nisīdāpetvā bahumānādarena pañcapatiṭṭhitena vanditvā paṭikuṭiko hutvā pakkāmi. So yāvatāyukaṃ ṭhatvā tato cavitvā devamanussesu saṃsaranto anekavidhasampattiṃ anubhavitvā imasmiṃ buddhuppāde ekasmiṃ kulagehe nibbatto vuddhippatto satthari pasīditvā pabbajito nacirasseva arahā ahosi.
22. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о химаванд̇ассаавид̣̇уурзд̇иаад̣̇имааха. д̇ам̣ хздтаа вуд̇д̇ад̇т̇амзва. махааж̇аад̇ассарод̇и зд̇т̇а бана саранд̇и зд̇т̇а баанийяад̇т̇игаа д̣̇вибад̣̇ажад̇уббад̣̇аад̣̇аяо сад̇д̇аад̇и сарам̣, ат̇а ваа саранд̇и зд̇т̇а над̣̇ийганд̣̇араад̣̇аяод̇и сарам̣, маханд̇о жа со саяамзва ж̇аад̇ад̇д̇аа саро жзд̇и махааж̇аад̇ассаро. анод̇ад̇д̇ачад̣̇д̣̇анд̇ад̣̇ахаад̣̇аяо вияа абаагаданаамад̇д̇аа ‘‘махааж̇аад̇ассаро’’д̇и вуд̇д̇од̇и д̣̇адтаб̣б̣о. сад̇абад̇д̇зхи сан̃чаннод̇и згзгасмим̣ бубпз сад̇асад̇абад̇д̇аанам̣ васзна сад̇абад̇д̇о, сад̇абад̇д̇асзд̇абад̣̇умзхи сан̃чанно г̇аханийбхууд̇од̇и ад̇т̇о. наанаасагун̣амаалаяод̇и анзгз хам̣сагуггудагуггухад̣̇зн̣д̣ибхаад̣̇аяо згад̇о гун̣анд̇и сад̣̇д̣̇ам̣ гаронд̇ийд̇и сагун̣аад̇и лад̣̇д̇ханаамаанам̣ багкийнам̣ аалаяо аад̇хаарабхууд̇од̇и ад̇т̇о. сзсам̣ саб̣б̣ад̇т̇а уд̇д̇аанад̇т̇амзваад̇и.
22. So aparabhāge attano pubbakammaṃ saritvā somanassajāto pubbacaritāpadānaṃ pakāsento himavantassāvidūretiādimāha. Taṃ heṭṭhā vuttatthameva. Mahājātassaroti ettha pana saranti ettha pānīyatthikā dvipadacatuppadādayo sattāti saraṃ, atha vā saranti ettha nadīkandarādayoti saraṃ, mahanto ca so sayameva jātattā saro ceti mahājātassaro. Anotattachaddantadahādayo viya apākaṭanāmattā ‘‘mahājātassaro’’ti vuttoti daṭṭhabbo. Satapattehisañchannoti ekekasmiṃ pupphe satasatapattānaṃ vasena satapatto, satapattasetapadumehi sañchanno gahanībhūtoti attho. Nānāsakuṇamālayoti aneke haṃsakukkuṭakukkuhadeṇḍibhādayo ekato kuṇanti saddaṃ karontīti sakuṇāti laddhanāmānaṃ pakkhīnaṃ ālayo ādhārabhūtoti attho. Sesaṃ sabbattha uttānatthamevāti.
д̇ин̣асант̇арад̣̇ааяагад̇т̇зраабад̣̇аанаван̣н̣анаа самад̇д̇аа.
Tiṇasantharadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. д̇ин̣асант̇арад̣̇ааяагад̇т̇зраабад̣̇аанам̣ • 6. Tiṇasantharadāyakattheraapadānaṃ
