| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
8. திணமுட்டி²தா³யகத்தே²ரஅபதா³னங்
8. Tiṇamuṭṭhidāyakattheraapadānaṃ
48.
48.
‘‘ஹிமவந்தஸ்ஸாவிதூ³ரே, லம்ப³கோ நாம பப்³ப³தோ;
‘‘Himavantassāvidūre, lambako nāma pabbato;
உபதிஸ்ஸோ நாம ஸம்பு³த்³தோ⁴, அப்³போ⁴காஸம்ஹி சங்கமி.
Upatisso nāma sambuddho, abbhokāsamhi caṅkami.
49.
49.
‘‘மிக³லுத்³தோ³ ததா³ ஆஸிங், அரஞ்ஞே கானநே அஹங்;
‘‘Migaluddo tadā āsiṃ, araññe kānane ahaṃ;
தி³ஸ்வான தங் தே³வதே³வங், ஸயம்பு⁴ங் அபராஜிதங்.
Disvāna taṃ devadevaṃ, sayambhuṃ aparājitaṃ.
50.
50.
‘‘விப்பஸன்னேன சித்தேன, ததா³ தஸ்ஸ மஹேஸினோ;
‘‘Vippasannena cittena, tadā tassa mahesino;
நிஸீத³னத்த²ங் பு³த்³த⁴ஸ்ஸ, திணமுட்டி²மதா³ஸஹங்.
Nisīdanatthaṃ buddhassa, tiṇamuṭṭhimadāsahaṃ.
51.
51.
‘‘த³த்வான தே³வதே³வஸ்ஸ, பி⁴ய்யோ சித்தங் பஸாத³யிங்;
‘‘Datvāna devadevassa, bhiyyo cittaṃ pasādayiṃ;
ஸம்பு³த்³த⁴ங் அபி⁴வாதெ³த்வா, பக்காமிங் உத்தராமுகோ².
Sambuddhaṃ abhivādetvā, pakkāmiṃ uttarāmukho.
52.
52.
53.
53.
‘‘ஆஸன்னே மே கதங் கம்மங், பு³த்³த⁴ஸெட்டே² அனாஸவே;
‘‘Āsanne me kataṃ kammaṃ, buddhaseṭṭhe anāsave;
ஸுமுத்தோ ஸரவேகோ³வ, தே³வலோகங் அக³ஞ்ச²ஹங்.
Sumutto saravegova, devalokaṃ agañchahaṃ.
54.
54.
‘‘யூபோ தத்த² ஸுபோ⁴ ஆஸி, புஞ்ஞகம்மாபி⁴னிம்மிதோ;
‘‘Yūpo tattha subho āsi, puññakammābhinimmito;
ஸஹஸ்ஸகண்டோ³ ஸதபெ⁴ண்டு³, த⁴ஜாலு ஹரிதாமயோ.
Sahassakaṇḍo satabheṇḍu, dhajālu haritāmayo.
55.
55.
‘‘பபா⁴ நித்³தா⁴வதே தஸ்ஸ, ஸதரங்ஸீவ உக்³க³தோ;
‘‘Pabhā niddhāvate tassa, sataraṃsīva uggato;
ஆகிண்ணோ தே³வகஞ்ஞாஹி, ஆமோதி³ங் காமகாமஹங்.
Ākiṇṇo devakaññāhi, āmodiṃ kāmakāmahaṃ.
56.
56.
‘‘தே³வலோகா சவித்வான, ஸுக்கமூலேன சோதி³தோ;
‘‘Devalokā cavitvāna, sukkamūlena codito;
ஆக³ந்த்வான மனுஸ்ஸத்தங், பத்தொம்ஹி ஆஸவக்க²யங்.
Āgantvāna manussattaṃ, pattomhi āsavakkhayaṃ.
57.
57.
‘‘சதுன்னவுதிதோ கப்பே, நிஸீத³னமதா³ஸஹங்;
‘‘Catunnavutito kappe, nisīdanamadāsahaṃ;
து³க்³க³திங் நாபி⁴ஜானாமி, திணமுட்டி²யித³ங் ப²லங்.
Duggatiṃ nābhijānāmi, tiṇamuṭṭhiyidaṃ phalaṃ.
58.
58.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா திணமுட்டி²தா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā tiṇamuṭṭhidāyako thero imā gāthāyo abhāsitthāti.
திணமுட்டி²தா³யகத்தே²ரஸ்ஸாபதா³னங் அட்ட²மங்.
Tiṇamuṭṭhidāyakattherassāpadānaṃ aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 3. ஸீவலித்தே²ரஅபதா³னவண்ணனா • 3. Sīvalittheraapadānavaṇṇanā
