| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৩. তিংসমত্তসুত্তৰণ্ণনা
3. Tiṃsamattasuttavaṇṇanā
১৩৬. ততিযে পাৰেয্যকাতি পাৰেয্যদেসৰাসিনো। সব্বে আরঞ্ঞিকাতিআদীসু ধুতঙ্গসমাদানৰসেন তেসং আরঞ্ঞিকাদিভাৰো ৰেদিতব্বো। সব্বে সসংযোজনাতি সব্বে সবন্ধনা, কেচি সোতাপন্না, কেচি সকদাগামিনো, কেচি অনাগামিনো। তেসু হি পুথুজ্জনো ৰা খীণাসৰো ৰা নত্থি। গুন্নন্তিআদীসু সেতকাল়াদিৰণ্ণেসু একেকৰণ্ণকালোৰ গহেতব্বো। পারিপন্থকাতি পরিপন্থে তিট্ঠনকা পন্থঘাতচোরা। পারদারিকাতি পরদারচারিত্তং আপজ্জনকা। ততিযং।
136. Tatiye pāveyyakāti pāveyyadesavāsino. Sabbe āraññikātiādīsu dhutaṅgasamādānavasena tesaṃ āraññikādibhāvo veditabbo. Sabbe sasaṃyojanāti sabbe sabandhanā, keci sotāpannā, keci sakadāgāmino, keci anāgāmino. Tesu hi puthujjano vā khīṇāsavo vā natthi. Gunnantiādīsu setakāḷādivaṇṇesu ekekavaṇṇakālova gahetabbo. Pāripanthakāti paripanthe tiṭṭhanakā panthaghātacorā. Pāradārikāti paradāracārittaṃ āpajjanakā. Tatiyaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৩. তিংসমত্তসুত্তং • 3. Tiṃsamattasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. তিংসমত্তসুত্তৰণ্ণনা • 3. Tiṃsamattasuttavaṇṇanā
