| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
50. கிங்கணிபுப்ப²வக்³கோ³
50. Kiṅkaṇipupphavaggo
1. திகிங்கணிபுப்பி²யத்தே²ரஅபதா³னங்
1. Tikiṅkaṇipupphiyattheraapadānaṃ
1.
1.
‘‘கணிகாரங்வ ஜோதந்தங், நிஸின்னங் பப்³ப³தந்தரே;
‘‘Kaṇikāraṃva jotantaṃ, nisinnaṃ pabbatantare;
அத்³த³ஸங் விரஜங் பு³த்³த⁴ங், விபஸ்ஸிங் லோகனாயகங்.
Addasaṃ virajaṃ buddhaṃ, vipassiṃ lokanāyakaṃ.
2.
2.
‘‘தீணி கிங்கணிபுப்பா²னி, பக்³க³ய்ஹ அபி⁴ரோபயிங்;
‘‘Tīṇi kiṅkaṇipupphāni, paggayha abhiropayiṃ;
ஸம்பு³த்³த⁴மபி⁴பூஜெத்வா, க³ச்சா²மி த³க்கி²ணாமுகோ².
Sambuddhamabhipūjetvā, gacchāmi dakkhiṇāmukho.
3.
3.
‘‘தேன கம்மேன ஸுகதேன, சேதனாபணிதீ⁴ஹி ச;
‘‘Tena kammena sukatena, cetanāpaṇidhīhi ca;
ஜஹித்வா மானுஸங் தே³ஹங், தாவதிங்ஸமக³ச்ச²ஹங்.
Jahitvā mānusaṃ dehaṃ, tāvatiṃsamagacchahaṃ.
4.
4.
‘‘ஏகனவுதிதோ கப்பே, யங் பு³த்³த⁴மபி⁴பூஜயிங்;
‘‘Ekanavutito kappe, yaṃ buddhamabhipūjayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
5.
5.
‘‘கிலேஸா ஜா²பிதா மய்ஹங், ப⁴வா ஸப்³பே³ ஸமூஹதா;
‘‘Kilesā jhāpitā mayhaṃ, bhavā sabbe samūhatā;
நாகோ³வ ப³ந்த⁴னங் செ²த்வா, விஹராமி அனாஸவோ.
Nāgova bandhanaṃ chetvā, viharāmi anāsavo.
6.
6.
‘‘ஸ்வாக³தங் வத மே ஆஸி, மம பு³த்³த⁴ஸ்ஸ ஸந்திகே;
‘‘Svāgataṃ vata me āsi, mama buddhassa santike;
திஸ்ஸோ விஜ்ஜா அனுப்பத்தா, கதங் பு³த்³த⁴ஸ்ஸ ஸாஸனங்.
Tisso vijjā anuppattā, kataṃ buddhassa sāsanaṃ.
7.
7.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா திகிங்கணிபுப்பி²யோ தே²ரோ இமா
Itthaṃ sudaṃ āyasmā tikiṅkaṇipupphiyo thero imā
கா³தா²யோ அபா⁴ஸித்தா²தி.
Gāthāyo abhāsitthāti.
திகிங்கணிபுப்பி²யத்தே²ரஸ்ஸாபதா³னங் பட²மங்.
Tikiṅkaṇipupphiyattherassāpadānaṃ paṭhamaṃ.
