| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೯. ತಿಕಿಚ್ಛಕತ್ಥೇರಅಪದಾನಂ
9. Tikicchakattheraapadānaṃ
೩೯.
39.
‘‘ನಗರೇ ಬನ್ಧುಮತಿಯಾ, ವೇಜ್ಜೋ ಆಸಿಂ ಸುಸಿಕ್ಖಿತೋ।
‘‘Nagare bandhumatiyā, vejjo āsiṃ susikkhito;
ಆತುರಾನಂ ಸದುಕ್ಖಾನಂ, ಮಹಾಜನಸುಖಾವಹೋ॥
Āturānaṃ sadukkhānaṃ, mahājanasukhāvaho.
೪೦.
40.
‘‘ಬ್ಯಾಧಿತಂ ಸಮಣಂ ದಿಸ್ವಾ, ಸೀಲವನ್ತಂ ಮಹಾಜುತಿಂ।
‘‘Byādhitaṃ samaṇaṃ disvā, sīlavantaṃ mahājutiṃ;
ಪಸನ್ನಚಿತ್ತೋ ಸುಮನೋ, ಭೇಸಜ್ಜಮದದಿಂ ತದಾ॥
Pasannacitto sumano, bhesajjamadadiṃ tadā.
೪೧.
41.
‘‘ಅರೋಗೋ ಆಸಿ ತೇನೇವ, ಸಮಣೋ ಸಂವುತಿನ್ದ್ರಿಯೋ।
‘‘Arogo āsi teneva, samaṇo saṃvutindriyo;
ಅಸೋಕೋ ನಾಮ ನಾಮೇನ, ಉಪಟ್ಠಾಕೋ ವಿಪಸ್ಸಿನೋ॥
Asoko nāma nāmena, upaṭṭhāko vipassino.
೪೨.
42.
‘‘ಏಕನವುತಿತೋ ಕಪ್ಪೇ, ಯಂ ಓಸಧಮದಾಸಹಂ।
‘‘Ekanavutito kappe, yaṃ osadhamadāsahaṃ;
ದುಗ್ಗತಿಂ ನಾಭಿಜಾನಾಮಿ, ಭೇಸಜ್ಜಸ್ಸ ಇದಂ ಫಲಂ॥
Duggatiṃ nābhijānāmi, bhesajjassa idaṃ phalaṃ.
೪೩.
43.
‘‘ಇತೋ ಚ ಅಟ್ಠಮೇ ಕಪ್ಪೇ, ಸಬ್ಬೋಸಧಸನಾಮಕೋ।
‘‘Ito ca aṭṭhame kappe, sabbosadhasanāmako;
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
Sattaratanasampanno, cakkavattī mahabbalo.
೪೪.
44.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ತಿಕಿಚ್ಛಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā tikicchako thero imā gāthāyo abhāsitthāti.
ತಿಕಿಚ್ಛಕತ್ಥೇರಸ್ಸಾಪದಾನಂ ನವಮಂ।
Tikicchakattherassāpadānaṃ navamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೯. ತಿಕಿಚ್ಛಕತ್ಥೇರಅಪದಾನವಣ್ಣನಾ • 9. Tikicchakattheraapadānavaṇṇanā
