| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൫. തികതികപട്ഠാനവണ്ണനാ
5. Tikatikapaṭṭhānavaṇṇanā
തികതികപട്ഠാനേപി കുസലം സുഖായ വേദനായ സമ്പയുത്തം ധമ്മം പടിച്ച കുസലോ സുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാതി പഞ്ഹുദ്ധാരവസേനേവ സങ്ഖേപതോ ദേസനാ കതാ. ഏത്ഥ ച കുസലത്തികം വേദനാത്തികാദീഹി, വേദനാത്തികാദയോ ച കുസലത്തികേനാതി ഏവം തികേസുയേവ തികാ പക്ഖിത്താ. യേന യേന ച പദേന സദ്ധിം യം യം പദം യോജനം ന ഗച്ഛതി, തം തം ഹാപേത്വാ ലബ്ഭമാനവസേനേവ സബ്ബപച്ചയേസു വാരാ ച ഗണനനയാ ച ദസ്സിതാ, തസ്മാ തേ സാധുകം പാളിം ഉപപരിക്ഖിത്വാ വേദിതബ്ബാ. യഥാ ച കുസലത്തികം വേദനാത്തികാദീഹി, വേദനാത്തികാദയോ ച തേന സദ്ധിം യോജേത്വാ വേദിതബ്ബാ; തഥാ ഏകേകം തികം സേസേഹി. സേസാ ച തേഹി സദ്ധിം യോജേത്വാ വേദിതബ്ബാതി.
Tikatikapaṭṭhānepi kusalaṃ sukhāya vedanāya sampayuttaṃ dhammaṃ paṭicca kusalo sukhāya vedanāya sampayutto dhammo uppajjati hetupaccayāti pañhuddhāravaseneva saṅkhepato desanā katā. Ettha ca kusalattikaṃ vedanāttikādīhi, vedanāttikādayo ca kusalattikenāti evaṃ tikesuyeva tikā pakkhittā. Yena yena ca padena saddhiṃ yaṃ yaṃ padaṃ yojanaṃ na gacchati, taṃ taṃ hāpetvā labbhamānavaseneva sabbapaccayesu vārā ca gaṇananayā ca dassitā, tasmā te sādhukaṃ pāḷiṃ upaparikkhitvā veditabbā. Yathā ca kusalattikaṃ vedanāttikādīhi, vedanāttikādayo ca tena saddhiṃ yojetvā veditabbā; tathā ekekaṃ tikaṃ sesehi. Sesā ca tehi saddhiṃ yojetvā veditabbāti.
തികതികപട്ഠാനവണ്ണനാ.
Tikatikapaṭṭhānavaṇṇanā.
