| Library / Tipiṭaka / තිපිටක • Tipiṭaka / අපදානපාළි • Apadānapāḷi |
8. තිකණ්ණිපුප්ඵියත්ථෙරඅපදානං
8. Tikaṇṇipupphiyattheraapadānaṃ
46.
46.
‘‘දෙවභූතො අහං සන්තො, අච්ඡරාහි පුරක්ඛතො;
‘‘Devabhūto ahaṃ santo, accharāhi purakkhato;
පුබ්බකම්මං සරිත්වාන, බුද්ධසෙට්ඨං අනුස්සරිං.
Pubbakammaṃ saritvāna, buddhaseṭṭhaṃ anussariṃ.
47.
47.
‘‘තිකණ්ණිපුප්ඵං 1 පග්ගය්හ, සකං චිත්තං පසාදයිං;
‘‘Tikaṇṇipupphaṃ 2 paggayha, sakaṃ cittaṃ pasādayiṃ;
බුද්ධම්හි අභිරොපෙසිං, විපස්සිම්හි නරාසභෙ.
Buddhamhi abhiropesiṃ, vipassimhi narāsabhe.
48.
48.
‘‘එකනවුතිතො කප්පෙ, යං පුප්ඵමභිපූජයිං;
‘‘Ekanavutito kappe, yaṃ pupphamabhipūjayiṃ;
දුග්ගතිං නාභිජානාමි, බුද්ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
49.
49.
‘‘තෙසත්තතිම්හිතො කප්පෙ, චතුරාසුං රමුත්තමා;
‘‘Tesattatimhito kappe, caturāsuṃ ramuttamā;
සත්තරතනසම්පන්නා, චක්කවත්තී මහබ්බලා.
Sattaratanasampannā, cakkavattī mahabbalā.
50.
50.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා තිකණ්ණිපුප්ඵියො 3 ථෙරො ඉමා ගාථායො අභාසිත්ථාති.
Itthaṃ sudaṃ āyasmā tikaṇṇipupphiyo 4 thero imā gāthāyo abhāsitthāti.
තිකණ්ණිපුප්ඵියත්ථෙරස්සාපදානං අට්ඨමං.
Tikaṇṇipupphiyattherassāpadānaṃ aṭṭhamaṃ.
Footnotes:
