| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༤. ཏཱིཧིདྷམྨེཧིསུཏྟཾ
4. Tīhidhammehisuttaṃ
༢༨༣. ‘‘ཏཱིཧི , བྷིཀྑཝེ, དྷམྨེཧི སམནྣཱགཏོ མཱཏུགཱམོ ཡེབྷུཡྻེན ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫཏི། ཀཏམེཧི ཏཱིཧི? ཨིདྷ, བྷིཀྑཝེ, མཱཏུགཱམོ པུབྦཎྷསམཡཾ མཙྪེརམལཔརིཡུཊྛིཏེན ཙེཏསཱ ཨགཱརཾ ཨཛ྄ཛྷཱཝསཏི། མཛ྄ཛྷནྷིཀསམཡཾ ཨིསྶཱཔརིཡུཊྛིཏེན ཙེཏསཱ ཨགཱརཾ ཨཛ྄ཛྷཱཝསཏི། སཱཡནྷསམཡཾ ཀཱམརཱགཔརིཡུཊྛིཏེན ཙེཏསཱ ཨགཱརཾ ཨཛ྄ཛྷཱཝསཏི། ཨིམེཧི ཁོ, བྷིཀྑཝེ, ཏཱིཧི དྷམྨེཧི སམནྣཱགཏོ མཱཏུགཱམོ ཡེབྷུཡྻེན ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫཏཱི’’ཏི། ཙཏུཏྠཾ།
283. ‘‘Tīhi , bhikkhave, dhammehi samannāgato mātugāmo yebhuyyena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Katamehi tīhi? Idha, bhikkhave, mātugāmo pubbaṇhasamayaṃ maccheramalapariyuṭṭhitena cetasā agāraṃ ajjhāvasati. Majjhanhikasamayaṃ issāpariyuṭṭhitena cetasā agāraṃ ajjhāvasati. Sāyanhasamayaṃ kāmarāgapariyuṭṭhitena cetasā agāraṃ ajjhāvasati. Imehi kho, bhikkhave, tīhi dhammehi samannāgato mātugāmo yebhuyyena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatī’’ti. Catutthaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༤. ཏཱིཧིདྷམྨེཧིསུཏྟཱདིཝཎྞནཱ • 4. Tīhidhammehisuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤. ཏཱིཧིདྷམྨེཧིསུཏྟཱདིཝཎྞནཱ • 4. Tīhidhammehisuttādivaṇṇanā
