338. Thusajātakaṃ (4-4-8)

149.

Viditaṃ thusaṃ undurānaṃ ², viditaṃ pana taṇḍulaṃ;

Thusaṃ thusaṃ ⁴ vivajjetvā, taṇḍulaṃ pana khādare.

150.

Yā mantanā araññasmiṃ, yā ca gāme nikaṇṇikā;

Yañcetaṃ iti cīti ca, etampi viditaṃ mayā.

151.

Dhammena kira jātassa, pitā puttassa makkaṭo;

Daharasseva santassa, dantehi phalamacchidā.

152.

Yametaṃ parisappasi ⁶, ajakāṇova sāsape;

Yopāyaṃ heṭṭhato seti ⁸, etampi viditaṃ mayāti.

Thusajātakaṃ aṭṭhamaṃ.