| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
9. டி²தஞ்ஜலியத்தே²ரஅபதா³னங்
9. Ṭhitañjaliyattheraapadānaṃ
42.
42.
‘‘மிக³லுத்³தோ³ புரே ஆஸிங், அரஞ்ஞே கானநே அஹங்;
‘‘Migaluddo pure āsiṃ, araññe kānane ahaṃ;
தத்த² அத்³த³ஸங் 1 ஸம்பு³த்³த⁴ங், பா³த்திங்ஸவரலக்க²ணங்.
Tattha addasaṃ 2 sambuddhaṃ, bāttiṃsavaralakkhaṇaṃ.
43.
43.
‘‘தத்தா²ஹங் அஞ்ஜலிங் கத்வா, பக்காமிங் பாசினாமுகோ²;
‘‘Tatthāhaṃ añjaliṃ katvā, pakkāmiṃ pācināmukho;
அவிதூ³ரே நிஸின்னஸ்ஸ, நியகே பண்ணஸந்த²ரே.
Avidūre nisinnassa, niyake paṇṇasanthare.
44.
44.
‘‘ததோ மே அஸனீபாதோ, மத்த²கே நிபதீ ததா³;
‘‘Tato me asanīpāto, matthake nipatī tadā;
ஸோஹங் மரணகாலம்ஹி, அகாஸிங் புனரஞ்ஜலிங்.
Sohaṃ maraṇakālamhi, akāsiṃ punarañjaliṃ.
45.
45.
‘‘த்³வேனவுதே இதோ கப்பே, அஞ்ஜலிங் அகரிங் ததா³;
‘‘Dvenavute ito kappe, añjaliṃ akariṃ tadā;
து³க்³க³திங் நாபி⁴ஜானாமி, அஞ்ஜலிஸ்ஸ இத³ங் ப²லங்.
Duggatiṃ nābhijānāmi, añjalissa idaṃ phalaṃ.
46.
46.
‘‘சதுபண்ணாஸகப்பம்ஹி, மிக³கேதுஸனாமகோ;
‘‘Catupaṇṇāsakappamhi, migaketusanāmako;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
47.
47.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா டி²தஞ்ஜலியோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā ṭhitañjaliyo thero imā gāthāyo abhāsitthāti.
டி²தஞ்ஜலியத்தே²ரஸ்ஸாபதா³னங் நவமங்.
Ṭhitañjaliyattherassāpadānaṃ navamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 9. டி²தஞ்ஜலியத்தே²ரஅபதா³னவண்ணனா • 9. Ṭhitañjaliyattheraapadānavaṇṇanā
