| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಅಭಿನವ-ಟೀಕಾ • Kaṅkhāvitaraṇī-abhinava-ṭīkā |
೬. ಥೇಯ್ಯಸತ್ಥಸಿಕ್ಖಾಪದವಣ್ಣನಾ
6. Theyyasatthasikkhāpadavaṇṇanā
ರಾಜಾನಂ ವಾ ವಞ್ಚೇತ್ವಾತಿ ರಾಜಾನಂ ಥೇನೇತ್ವಾ ರಞ್ಞೋ ಸನ್ತಕಂ ಕಿಞ್ಚಿ ಗಹೇತ್ವಾ, ‘‘ಇದಾನಿ ತಸ್ಸ ನ ದಸ್ಸಾಮಾ’’ತಿ ಮಗ್ಗಪ್ಪಟಿಪನ್ನಾ ಅಕತಕಮ್ಮಾ ಚೇವ ಕತಕಮ್ಮಾ ಚ ಚೋರಾತಿ ವುತ್ತಂ ಹೋತಿ। ಏಸ ನಯೋ ಸುಙ್ಕಂ ಪರಿಹರಿತುಕಾಮಾತಿ ಏತ್ಥಾಪಿ।
Rājānaṃ vā vañcetvāti rājānaṃ thenetvā rañño santakaṃ kiñci gahetvā, ‘‘idāni tassa na dassāmā’’ti maggappaṭipannā akatakammā ceva katakammāca corāti vuttaṃ hoti. Esa nayo suṅkaṃ pariharitukāmāti etthāpi.
ಕಾಲವಿಸಙ್ಕೇತೇನಾತಿ ಕಾಲಸ್ಸ ವಿಸಙ್ಕೇತೇನ, ದಿವಸವಿಸಙ್ಕೇತೇನಾತಿ ವುತ್ತಂ ಹೋತಿ। ಮಗ್ಗವಿಸಙ್ಕೇತೇನ, ಪನ ಅಟವಿವಿಸಙ್ಕೇತೇನ ವಾ ಗಚ್ಛತೋ ಆಪತ್ತಿಯೇವ।
Kālavisaṅketenāti kālassa visaṅketena, divasavisaṅketenāti vuttaṃ hoti. Maggavisaṅketena, pana aṭavivisaṅketena vā gacchato āpattiyeva.
ಥೇಯ್ಯಸತ್ಥಸಿಕ್ಖಾಪದವಣ್ಣನಾ ನಿಟ್ಠಿತಾ।
Theyyasatthasikkhāpadavaṇṇanā niṭṭhitā.
