| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
៦. ថេយ្យសត្ថសិក្ខាបទវណ្ណនា
6. Theyyasatthasikkhāpadavaṇṇanā
រាជានំ វា វញ្ចេត្វាតិ រាជានំ ថេនេត្វា រញ្ញោ សន្តកំ កិញ្ចិ គហេត្វា, ‘‘ឥទានិ តស្ស ន ទស្សាមា’’តិ មគ្គប្បដិបន្នា អកតកម្មា ចេវ កតកម្មា ច ចោរាតិ វុត្តំ ហោតិ។ ឯស នយោ សុង្កំ បរិហរិតុកាមាតិ ឯត្ថាបិ។
Rājānaṃ vā vañcetvāti rājānaṃ thenetvā rañño santakaṃ kiñci gahetvā, ‘‘idāni tassa na dassāmā’’ti maggappaṭipannā akatakammā ceva katakammāca corāti vuttaṃ hoti. Esa nayo suṅkaṃ pariharitukāmāti etthāpi.
កាលវិសង្កេតេនាតិ កាលស្ស វិសង្កេតេន, ទិវសវិសង្កេតេនាតិ វុត្តំ ហោតិ។ មគ្គវិសង្កេតេន, បន អដវិវិសង្កេតេន វា គច្ឆតោ អាបត្តិយេវ។
Kālavisaṅketenāti kālassa visaṅketena, divasavisaṅketenāti vuttaṃ hoti. Maggavisaṅketena, pana aṭavivisaṅketena vā gacchato āpattiyeva.
ថេយ្យសត្ថសិក្ខាបទវណ្ណនា និដ្ឋិតា។
Theyyasatthasikkhāpadavaṇṇanā niṭṭhitā.
