| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๖. เถยฺยสตฺถสิกฺขาปทวณฺณนา
6. Theyyasatthasikkhāpadavaṇṇanā
ราชานํ วา วเญฺจตฺวาติ ราชานํ เถเนตฺวา รโญฺญ สนฺตกํ กิญฺจิ คเหตฺวา, ‘‘อิทานิ ตสฺส น ทสฺสามา’’ติ มคฺคปฺปฎิปนฺนา อกตกมฺมา เจว กตกมฺมา จ โจราติ วุตฺตํ โหติฯ เอส นโย สุงฺกํ ปริหริตุกามาติ เอตฺถาปิฯ
Rājānaṃ vā vañcetvāti rājānaṃ thenetvā rañño santakaṃ kiñci gahetvā, ‘‘idāni tassa na dassāmā’’ti maggappaṭipannā akatakammā ceva katakammāca corāti vuttaṃ hoti. Esa nayo suṅkaṃ pariharitukāmāti etthāpi.
กาลวิสเงฺกเตนาติ กาลสฺส วิสเงฺกเตน, ทิวสวิสเงฺกเตนาติ วุตฺตํ โหติฯ มคฺควิสเงฺกเตน, ปน อฎวิวิสเงฺกเตน วา คจฺฉโต อาปตฺติเยวฯ
Kālavisaṅketenāti kālassa visaṅketena, divasavisaṅketenāti vuttaṃ hoti. Maggavisaṅketena, pana aṭavivisaṅketena vā gacchato āpattiyeva.
เถยฺยสตฺถสิกฺขาปทวณฺณนา นิฎฺฐิตาฯ
Theyyasatthasikkhāpadavaṇṇanā niṭṭhitā.
