| Library / Tipiṭaka / तिपिटक • Tipiṭaka / महाविभङ्ग-अट्ठकथा • Mahāvibhaṅga-aṭṭhakathā |
६. थेय्यसत्थसिक्खापदवण्णना
6. Theyyasatthasikkhāpadavaṇṇanā
४०७. छट्ठे – पटियालोकन्ति सूरियालोकस्स पटिमुखं; पच्छिमदिसन्ति अत्थो। कम्मियाति सुङ्कट्ठाने कम्मिका।
407. Chaṭṭhe – paṭiyālokanti sūriyālokassa paṭimukhaṃ; pacchimadisanti attho. Kammiyāti suṅkaṭṭhāne kammikā.
४०९. राजानं वा थेय्यं गच्छन्तीति राजानं वा थेनेत्वा वञ्चेत्वा रञ्ञो सन्तकं किञ्चि गहेत्वा इदानि न तस्स दस्सामाति गच्छन्ति।
409.Rājānaṃ vā theyyaṃ gacchantīti rājānaṃ vā thenetvā vañcetvā rañño santakaṃ kiñci gahetvā idāni na tassa dassāmāti gacchanti.
४११. विसङ्केतेनाति कालविसङ्केतेन दिवसविसङ्केतेन च गच्छतो अनापत्ति। मग्गविसङ्केतेन पन अटविविसङ्केतेन वा आपत्तियेव। सेसमेत्थ भिक्खुनिवग्गे वुत्तनयत्ता उत्तानत्थमेव। थेय्यसत्थसमुट्ठानं – कायचित्ततो कायवाचाचित्ततो च समुट्ठाति, किरियं, सञ्ञाविमोक्खं, सचित्तकं, पण्णत्तिवज्जं, कायकम्मं, वचीकम्मं, तिचित्तं, तिवेदनन्ति।
411.Visaṅketenāti kālavisaṅketena divasavisaṅketena ca gacchato anāpatti. Maggavisaṅketena pana aṭavivisaṅketena vā āpattiyeva. Sesamettha bhikkhunivagge vuttanayattā uttānatthameva. Theyyasatthasamuṭṭhānaṃ – kāyacittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
थेय्यसत्थसिक्खापदं छट्ठं।
Theyyasatthasikkhāpadaṃ chaṭṭhaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ७. सप्पाणकवग्गो • 7. Sappāṇakavaggo
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ६. थेय्यसत्थसिक्खापदवण्णना • 6. Theyyasatthasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ६. थेय्यसत्थसिक्खापदवण्णना • 6. Theyyasatthasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / ६. थेय्यसत्थसिक्खापदवण्णना • 6. Theyyasatthasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ६. थेय्यसत्थसिक्खापदं • 6. Theyyasatthasikkhāpadaṃ
