| Library / Tipiṭaka / তিপিটক • Tipiṭaka / পরিৰার-অট্ঠকথা • Parivāra-aṭṭhakathā |
থেয্যসত্থসমুট্ঠানৰণ্ণনা
Theyyasatthasamuṭṭhānavaṇṇanā
২৬৬. থেয্যসত্থং উপস্সুতীতি থেয্যসত্থেন সদ্ধিং সংৰিধায একদ্ধানমগ্গগমনঞ্চ উপস্সুতিতিট্ঠনঞ্চ। সূপৰিঞ্ঞাপনেন চাতি ইদং সূপোদনৰিঞ্ঞত্তিং সন্ধায ৰুত্তং। রত্তিছন্নঞ্চ ওকাসন্তি ‘‘রত্তন্ধকারে অপ্পদীপে, পটিচ্ছন্নে ওকাসে, অজ্ঝোকাসে পুরিসেন সদ্ধি’’ন্তি এৰং ৰুত্তসিক্খাপদত্তযং। ব্যূহেন সত্তমাতি ইদং তদনন্তরমেৰ ‘‘রথিকায ৰা ব্যূহে ৰা সিঙ্ঘাটকে ৰা পুরিসেন সদ্ধি’’ন্তি আগতসিক্খাপদং সন্ধায ৰুত্তং।
266.Theyyasatthaṃ upassutīti theyyasatthena saddhiṃ saṃvidhāya ekaddhānamaggagamanañca upassutitiṭṭhanañca. Sūpaviññāpanena cāti idaṃ sūpodanaviññattiṃ sandhāya vuttaṃ. Rattichannañca okāsanti ‘‘rattandhakāre appadīpe, paṭicchanne okāse, ajjhokāse purisena saddhi’’nti evaṃ vuttasikkhāpadattayaṃ. Byūhena sattamāti idaṃ tadanantarameva ‘‘rathikāya vā byūhe vā siṅghāṭake vā purisena saddhi’’nti āgatasikkhāpadaṃ sandhāya vuttaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ৯. থেয্যসত্থসমুট্ঠানং • 9. Theyyasatthasamuṭṭhānaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / থেয্যসত্থসমুট্ঠানৰণ্ণনা • Theyyasatthasamuṭṭhānavaṇṇanā
