| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៨. ថេរសុត្តវណ្ណនា
8. Therasuttavaṇṇanā
៨៨. អដ្ឋមេ ថិរភាវប្បត្តោតិ សាសនេ ថិរភាវំ អនិវត្តិភាវំ បត្ថោ។ បព្ពជិតោ ហុត្វា ពហូ រត្តិយោ ជានាតីតិ រត្តញ្ញូ។ តេនាហ ‘‘បព្ពជិតទិវសតោ បដ្ឋាយា’’តិអាទិ។ បាកដោតិ អយថាភូតគុណេហិ ចេវ យថាភូតគុណេហិ ច សមុគ្គតោ។ យសោ ឯតស្ស អត្ថីតិ យសស្សី, យសំ សិតោ និស្សិតោ វា យសស្សី។ តេនាហ ‘‘យសនិស្សិតោ’’តិ។ អសតំ អសាធូនំ ធម្មា អសទ្ធម្មា, អសន្តា វា អសុន្ទរា គារយ្ហា លាមកា ធម្មាតិ អសទ្ធម្មា។ វិបរិយាយេន សទ្ធម្មា វេទិតព្ពា។
88. Aṭṭhame thirabhāvappattoti sāsane thirabhāvaṃ anivattibhāvaṃ pattho. Pabbajito hutvā bahū rattiyo jānātīti rattaññū. Tenāha ‘‘pabbajitadivasato paṭṭhāyā’’tiādi. Pākaṭoti ayathābhūtaguṇehi ceva yathābhūtaguṇehi ca samuggato. Yaso etassa atthīti yasassī, yasaṃ sito nissito vā yasassī. Tenāha ‘‘yasanissito’’ti. Asataṃ asādhūnaṃ dhammā asaddhammā, asantā vā asundarā gārayhā lāmakā dhammāti asaddhammā. Vipariyāyena saddhammā veditabbā.
ថេរសុត្តវណ្ណនា និដ្ឋិតា។
Therasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៨. ថេរសុត្តំ • 8. Therasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៨. ថេរសុត្តវណ្ណនា • 8. Therasuttavaṇṇanā
