| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਥੇਰਨਾਮਕਸੁਤ੍ਤવਣ੍ਣਨਾ
10. Theranāmakasuttavaṇṇanā
੨੪੪. ਅਤੀਤੇ ਖਨ੍ਧਪਞ੍ਚਕੇਤਿ ਅਤੀਤੇ ਅਤ੍ਤਭਾવੇ। ਛਨ੍ਦਰਾਗਪ੍ਪਹਾਨੇਨਾਤਿ ਛਨ੍ਦਰਾਗਸ੍ਸ ਅਚ੍ਚਨ੍ਤਮੇવ ਜਹਨੇਨ। ਪਹੀਨਂ ਨਾਮ ਹੋਤਿ ਅਨਪੇਕ੍ਖਪਰਿਚ੍ਚਾਗਤੋ। ਪਟਿਨਿਸ੍ਸਟ੍ਠਂ ਨਾਮ ਹੋਤਿ ਸਬ੍ਬਸੋ ਛਡ੍ਡਿਤਤ੍ਤਾ। ਤਯੋ ਭવੇਤਿ ਇਮਿਨਾ ਉਪਾਦਿਣ੍ਣਕਧਮ੍ਮਾਨਂਯੇવ ਗਹਣਂ। ਸਬ੍ਬਾ ਖਨ੍ਧਾਯਤਨਧਾਤੁਯੋ ਚਾਤਿ ਇਮਿਨਾ ਉਪਾਦਿਣ੍ਣਾਨਮ੍ਪਿ ਅਨੁਪਾਦਿਣ੍ਣਾਨਮ੍ਪਿ ਦ੍વਿਧਾ ਪવਤ੍ਤਲੋਕਿਯਧਮ੍ਮਾਨਂ ਗਹਣਂ ਅવਿਸੇਸੇਤ੍વਾ વੁਤ੍ਤਤ੍ਤਾ। વਿਦਿਤਂ ਪਾਕਟਂ ਕਤ੍વਾ ਠਿਤਂ ਪਰਿਞ੍ਞਾਭਿਸਮਯવਸੇਨ। ਤੇਸ੍વੇવਾਤਿ ਤੇਭੂਮਕਧਮ੍ਮੇਸੁ ਏવ। ਅਨੁਪਲਿਤ੍ਤਂ ਅਮਥਿਤਂ ਅਸਂਕਿਲਿਟ੍ਠਂ ਤਣ੍ਹਾਦਿਟ੍ਠਿਸਂਕਿਲੇਸਾਭਾવਤੋ। ਤਦੇવ ਸਬ੍ਬਨ੍ਤਿ ਹੇਟ੍ਠਾ ਤੀਸੁਪਿ ਪਦੇਸੁ ਇਧ ਸਬ੍ਬਗ੍ਗਹਣੇਨ ਗਹਿਤਂ ਤੇਭੂਮਕવਟ੍ਟਂ। ਜਹਿਤ੍વਾਤਿ ਪਹਾਨਾਭਿਸਮਯવਸੇਨ। ਤਣ੍ਹਾ ਖੀਯਤਿ ਏਤ੍ਥਾਤਿ ਤਣ੍ਹਕ੍ਖਯਸਙ੍ਖਾਤੇ ਨਿਬ੍ਬਾਨੇ વਿਮੁਤ੍ਤਂ। ਤਮਹਨ੍ਤਿ ਤਂ ਉਤ੍ਤਮਪੁਗ੍ਗਲਂ ਏਕવਿਹਾਰਿਂ ਬ੍ਰੂਮਿ ਤਣ੍ਹਾਦੁਤਿਯਸ੍ਸ ਅਭਾવਤੋ। ਏਤ੍ਥ ਚ ਪਰਿਞ੍ਞਾਪਹਾਨਾਭਿਸਮਯਕਥਨੇਨ ਇਤਰਮ੍ਪਿ ਅਭਿਸਮਯਂ ਅਤ੍ਥਤੋ ਕਥਿਤਮੇવਾਤਿ ਦਟ੍ਠਬ੍ਬਂ।
244.Atīte khandhapañcaketi atīte attabhāve. Chandarāgappahānenāti chandarāgassa accantameva jahanena. Pahīnaṃ nāma hoti anapekkhapariccāgato. Paṭinissaṭṭhaṃ nāma hoti sabbaso chaḍḍitattā. Tayobhaveti iminā upādiṇṇakadhammānaṃyeva gahaṇaṃ. Sabbā khandhāyatanadhātuyo cāti iminā upādiṇṇānampi anupādiṇṇānampi dvidhā pavattalokiyadhammānaṃ gahaṇaṃ avisesetvā vuttattā. Viditaṃ pākaṭaṃ katvā ṭhitaṃ pariññābhisamayavasena. Tesvevāti tebhūmakadhammesu eva. Anupalittaṃ amathitaṃ asaṃkiliṭṭhaṃ taṇhādiṭṭhisaṃkilesābhāvato. Tadeva sabbanti heṭṭhā tīsupi padesu idha sabbaggahaṇena gahitaṃ tebhūmakavaṭṭaṃ. Jahitvāti pahānābhisamayavasena. Taṇhā khīyati etthāti taṇhakkhayasaṅkhāte nibbāne vimuttaṃ. Tamahanti taṃ uttamapuggalaṃ ekavihāriṃ brūmi taṇhādutiyassa abhāvato. Ettha ca pariññāpahānābhisamayakathanena itarampi abhisamayaṃ atthato kathitamevāti daṭṭhabbaṃ.
ਥੇਰਨਾਮਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Theranāmakasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਥੇਰਨਾਮਕਸੁਤ੍ਤਂ • 10. Theranāmakasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਥੇਰਨਾਮਕਸੁਤ੍ਤવਣ੍ਣਨਾ • 10. Theranāmakasuttavaṇṇanā
