| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૧૦. થેરનામકસુત્તવણ્ણના
10. Theranāmakasuttavaṇṇanā
૨૪૪. દસમે વણ્ણવાદીતિ આનિસંસવાદી. યં અતીતં તં પહીનન્તિ અતીતે ખન્ધપઞ્ચકે છન્દરાગપ્પહાનેન તં પહીનં નામ હોતિ. અનાગતન્તિ અનાગતમ્પિ ખન્ધપઞ્ચકં તત્થ છન્દરાગપટિનિસ્સગ્ગેન પટિનિસ્સટ્ઠં નામ હોતિ . સબ્બાભિભુન્તિ સબ્બા ખન્ધાયતનધાતુયો ચ તયો ભવે ચ અભિભવિત્વા ઠિતં. સબ્બવિદુન્તિ તં વુત્તપ્પકારં સબ્બં વિદિતં પાકટં કત્વા ઠિતં. સબ્બેસુ ધમ્મેસૂતિ તેસ્વેવ ધમ્મેસુ તણ્હાદિટ્ઠિલેપેહિ અનુપલિત્તં. સબ્બઞ્જહન્તિ તદેવ સબ્બં તત્થ છન્દરાગપ્પહાનેન જહિત્વા ઠિતં. તણ્હક્ખયે વિમુત્તન્તિ તણ્હક્ખયસઙ્ખાતે નિબ્બાને તદારમ્મણાય વિમુત્તિયા વિમુત્તં. દસમં.
244. Dasame vaṇṇavādīti ānisaṃsavādī. Yaṃ atītaṃ taṃ pahīnanti atīte khandhapañcake chandarāgappahānena taṃ pahīnaṃ nāma hoti. Anāgatanti anāgatampi khandhapañcakaṃ tattha chandarāgapaṭinissaggena paṭinissaṭṭhaṃ nāma hoti . Sabbābhibhunti sabbā khandhāyatanadhātuyo ca tayo bhave ca abhibhavitvā ṭhitaṃ. Sabbavidunti taṃ vuttappakāraṃ sabbaṃ viditaṃ pākaṭaṃ katvā ṭhitaṃ. Sabbesu dhammesūti tesveva dhammesu taṇhādiṭṭhilepehi anupalittaṃ. Sabbañjahanti tadeva sabbaṃ tattha chandarāgappahānena jahitvā ṭhitaṃ. Taṇhakkhaye vimuttanti taṇhakkhayasaṅkhāte nibbāne tadārammaṇāya vimuttiyā vimuttaṃ. Dasamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૦. થેરનામકસુત્તં • 10. Theranāmakasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧૦. થેરનામકસુત્તવણ્ણના • 10. Theranāmakasuttavaṇṇanā
