| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൫. ഠപേത്വാ അരിയമഗ്ഗന്തികഥാവണ്ണനാ
5. Ṭhapetvā ariyamaggantikathāvaṇṇanā
൭൮൯-൭൯൦. ഇദാനി ഠപേത്വാ അരിയമഗ്ഗന്തികഥാ നാമ ഹോതി. തത്ഥ ‘‘യസ്മാ അരിയമഗ്ഗോ ‘ദുക്ഖനിരോധഗാമിനിപടിപദാ’തി വുത്തോ, തസ്മാ ഠപേത്വാ അരിയമഗ്ഗം അവസേസാ സങ്ഖാരാ ദുക്ഖാ’’തി യേസം ലദ്ധി, സേയ്യഥാപി ഹേതുവാദാനം; തേ സന്ധായ പുച്ഛാ സകവാദിസ്സ, പടിഞ്ഞാ ഇതരസ്സ. അഥ നം ‘‘യദി ഏവം സമുദയസ്സാപി ദുക്ഖഭാവോ ആപജ്ജതീ’’തി ചോദേതും ദുക്ഖസമുദയോപീതി ആഹ. ഇതരോ ഹേതുലക്ഖണം സന്ധായ പടിക്ഖിപതി. പുന പുട്ഠോ പവത്തപരിയാപന്നഭാവം സന്ധായ പടിജാനാതി. തീണേവാതി പഞ്ഹേസു സുത്തവിരോധഭയേന പടിക്ഖിപതി, ലദ്ധിവസേന പടിജാനാതി. സേസമേത്ഥ ഉത്താനത്ഥമേവാതി.
789-790. Idāni ṭhapetvā ariyamaggantikathā nāma hoti. Tattha ‘‘yasmā ariyamaggo ‘dukkhanirodhagāminipaṭipadā’ti vutto, tasmā ṭhapetvā ariyamaggaṃ avasesā saṅkhārā dukkhā’’ti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Atha naṃ ‘‘yadi evaṃ samudayassāpi dukkhabhāvo āpajjatī’’ti codetuṃ dukkhasamudayopīti āha. Itaro hetulakkhaṇaṃ sandhāya paṭikkhipati. Puna puṭṭho pavattapariyāpannabhāvaṃ sandhāya paṭijānāti. Tīṇevāti pañhesu suttavirodhabhayena paṭikkhipati, laddhivasena paṭijānāti. Sesamettha uttānatthamevāti.
ഠപേത്വാ അരിയമഗ്ഗന്തികഥാവണ്ണനാ.
Ṭhapetvā ariyamaggantikathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൭൦) ൫. ഠപേത്വാ അരിയമഗ്ഗന്തികഥാ • (170) 5. Ṭhapetvā ariyamaggantikathā
