| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၅. ဌပေတ္ဝာ အရိယမဂ္ဂန္တိကထာဝဏ္ဏနာ
5. Ṭhapetvā ariyamaggantikathāvaṇṇanā
၇၈၉-၇၉၀. ဣဒာနိ ဌပေတ္ဝာ အရိယမဂ္ဂန္တိကထာ နာမ ဟောတိ။ တတ္ထ ‘‘ယသ္မာ အရိယမဂ္ဂော ‘ဒုက္ခနိရောဓဂာမိနိပဋိပဒာ’တိ ဝုတ္တော, တသ္မာ ဌပေတ္ဝာ အရိယမဂ္ဂံ အဝသေသာ သင္ခာရာ ဒုက္ခာ’’တိ ယေသံ လဒ္ဓိ, သေယ္ယထာပိ ဟေတုဝာဒာနံ; တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ အထ နံ ‘‘ယဒိ ဧဝံ သမုဒယသ္သာပိ ဒုက္ခဘာဝော အာပဇ္ဇတီ’’တိ စောဒေတုံ ဒုက္ခသမုဒယောပီတိ အာဟ။ ဣတရော ဟေတုလက္ခဏံ သန္ဓာယ ပဋိက္ခိပတိ။ ပုန ပုဋ္ဌော ပဝတ္တပရိယာပန္နဘာဝံ သန္ဓာယ ပဋိဇာနာတိ။ တီဏေဝာတိ ပဉ္ဟေသု သုတ္တဝိရောဓဘယေန ပဋိက္ခိပတိ, လဒ္ဓိဝသေန ပဋိဇာနာတိ။ သေသမေတ္ထ ဥတ္တာနတ္ထမေဝာတိ။
789-790. Idāni ṭhapetvā ariyamaggantikathā nāma hoti. Tattha ‘‘yasmā ariyamaggo ‘dukkhanirodhagāminipaṭipadā’ti vutto, tasmā ṭhapetvā ariyamaggaṃ avasesā saṅkhārā dukkhā’’ti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Atha naṃ ‘‘yadi evaṃ samudayassāpi dukkhabhāvo āpajjatī’’ti codetuṃ dukkhasamudayopīti āha. Itaro hetulakkhaṇaṃ sandhāya paṭikkhipati. Puna puṭṭho pavattapariyāpannabhāvaṃ sandhāya paṭijānāti. Tīṇevāti pañhesu suttavirodhabhayena paṭikkhipati, laddhivasena paṭijānāti. Sesamettha uttānatthamevāti.
ဌပေတ္ဝာ အရိယမဂ္ဂန္တိကထာဝဏ္ဏနာ။
Ṭhapetvā ariyamaggantikathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၇၀) ၅. ဌပေတ္ဝာ အရိယမဂ္ဂန္တိကထာ • (170) 5. Ṭhapetvā ariyamaggantikathā
